कोरियाली प्रथम महिला लिले उत्तर कोरियाको भ्रमण गर्ने
ऐश्वर्य श्रेष्ठ,सोल-दक्षिण कोरियाकी प्रथम महिला लि हि होले उत्तर कोरियाको भम्रण भएकी छिन् ।स्वर्गीय भुतपुर्व राष्ट्रपति किम दाय जुंगकी श्रीमती लिले आगामी महिनामा उत्तर कोरियाको भम्रण गर्ने ईच्छा व्यक्त गरेकी हुन् ।उनले उत्तरकोरियामा त्यहांका राष्ट्रपति किम जोंग उनलाई पनि भेटने स्रोतले दाबी गरेको छ ।
प्रथम महिला लि हि होले स्वर्गीय राष्ट्रपति किमको सन १९९८ देखि सन २००३ सम्म सेवा गरेकी थिईन् ।दुई कोरिया प्रायद्धिपमा पछिल्लो समय बढीरहेको तनावमा लिको भम्रणले संबन्ध सुधार हुने अपेक्षा बढेको छ ।लि भने यो भम्रणको बारेमा उत्तर कोरियाले कस्तो प्रतिक्रिया दिन्छ त्यसको पखाईमा छिन् ।
किम दाय जुंग पिस सेन्टरका एक आधिकारिक स्रोतले लिको संभाव्य भ्रमणलाई उत्तर कोरिया समक्ष प्रस्ताव गरिएको जनाएको छ । सेन्टरका किम सुंग जेले भने उत्तर कोरियासंग आगामी मंगलबार छलफलको लागि केसांगमा आव्हान गरिएको बताए ।लिको भ्रमणको लागि ५ जना दक्षिण कोरियाका अधिकारीहरु रहनेछन् साथमा ५ जना उत्तर कोरियाली रहने जेले बताए ।
लिको प्योंगयांग भ्रमण आगामी अगष्ट १५ भन्दा अघि हुने अपेक्षासमेत गरिएको छ ।९३ बर्षीय लिले गत अक्टोबरमा उत्तर कोरियाको भ्रमण गर्ने इच्छा व्यक्त गरेकी थिईन् ।उनको इच्छालाई उत्तर कोरियाले स्वीकार गरेतापनि चिसोको कारण उनको भ्रमणलाई पर सारिएको थियो ।
किम दाय जुंगलाई उत्तरकोरियामा चम्किलो उनको राजनीतिक प्रभावलाई श्रद्धाको भावले हेरिन्छ ।किमले दुई देशको सिमाक्षेत्र एकआपसमा खुल्ला गरेको थिए, भने मेलमिलापको हात अघि बढाएका थिए ।
स्व किम दायले उत्तर कोरियाका नेता किम जोंग ईलसंग सन २००० मा पहिलो चोटी दुई कोरियाबीच अन्र्तकोरिया सम्मेलन गराएका थिए भने सोही बर्ष किम दायले नोबेल शान्ति पुरुस्कार समेत प्राप्त गरेका थिए ।त्यतिबेला लिले समेत उत्तरकोरियाको राजधानी प्योंगयांगको भ्रमण गर्ने अवसर पाएकी थिईन् ।
लिको संभाव्य कम्युनिष्ट राष्ट्रको भ्रमणलाई दुई देशबीचको तनावलाई संबन्ध सुधारको पाटोको रुपमा हेरिएको छ ।
