गिरफ्तारी सम्बन्धमा विवेकशील नेपाली साउथ कोरिया को प्रेस बिज्ञप्ति
काठमाडौं सोल्टीमोडमा भैरहेको नेपालको पुननिर्माणका लागि अन्तर्राष्ट्रिय दाता सम्मेलनको सन्दर्भमा “नेपालमा चन्दा र दान मात्र होइन, दिगो बिकासका लागि लगानी गर्न अन्तराष्ट्रिय मित्रहरुलाई आब्हान “ गर्न विवेकशील नेपाली दलले आयोजना गरेको शान्तिपूर्ण भेलामा नेपाल प्रहरीले हस्तक्षेप गरि विवेकशील नेपालीका अध्क्षय उज्वल थापा सहित करिब दुई दर्जन सदस्यहरुलाई पक्राउ गरेको छ ।
शान्तिपूर्ण भेलामा सामेल नागरिकहरुलाई बिनाकारण पक्राउ गरि हिरासतमा राखिएको घटनाप्रति विवेकशील नेपाली साउथ कोरिया आपत्ति प्रकट गर्दछ । शान्तिपूर्ण रूपमा नेपालको झन्डा र प्ले-कार्ड बोकेर प्रदर्शन गरिरहेका यस दलका सदस्यहरु माथि नेपाल सरकारको हस्तक्षेप कानुनी शासनको ठाडो उपहास हो । यस सरकारको यस ब्यबहारले उसको निरङकुस शैलीलाई थप उजागर गरेको छ । त्यसैले नागरिक हक र स्वतन्त्रताको रक्षा र सम्मान गर्दै बिनाकारण पक्राउ गरिएका विवेकशील नेपालीका सदस्यहरुलाई अबिलम्ब रिहाइको माग गर्दछौ ।
अध्यक्ष
विवेकशिल नेपाली कोरिया
किरण अधिकारी
