कोरियामा सडक दुर्घटनामा परी गम्भीर घाइते थापालाई उपचारर्थ सहयोग आवहान

सोल

दक्षिण कोरियाको छाल्लानाम्दो प्रान्तको मोक्पोमा सडक दुर्घनामा परी गम्भीर घाइते भएका रितु थापा मगरलाई उपचार्थ आर्थिक सहयोग आवहान गरिएको छ । मोक्पो बासी नेपालीहरुको साझा संस्था मोक्पो साम्हो साझा चौतारी परिवारले सो आवहान गरेका हुन् ।

थापाको शुरुदेखि नै हानकुक अस्पतालमा उपचार भइरहेको छ । दाहिने हात, खुट्टा र टाउकोमा गम्भीर चोट लागेका थापाको हाल हातको शल्यक्रिया गरेता पनि चल्न नसकेको र ढाडको पनि शल्यक्रिया गर्नुपर्ने चिकित्सकले बताएका छन् ।

२१ दिनदेखि अस्पतालमा उपचार्थ थापालाई १४ दिन सघन कक्षामा राखिएको थियो । हालसम्म थापाको उपचार खर्च साढे ३ करोड वन पुगेको र हालसम्म १ करोड वन मात्रै बुझाएको परिवारका अध्यक्ष अरुण सेजवालले बताए ।

कम्पनीबाट काम सकेर निस्केपछि साथीको स्कुटर लिएर हिडेका थापा रुखमा ठोकिएर घाइते भएको अवस्थामा भेटिएको थियो । कसरी दुर्घना भयो भन्ने बारे आफुलाई केही जानकारी नभएको विरामी थापाले बताएका छन् । कम्पनीबाट बाहिर दुर्घटना भएकाले कम्पनीले विमा बारे पनि केही गर्न नसक्ने बताएपछि उनको उपचारमा आर्थिक समस्या परेको सेजवालले बताए ।

इपिएसमार्फत कोरिया आएका थापा सिन्धुपाल्चोकका बासिन्दा हुन् ।केही महिना अघि मात्र नेपाल गएर घर किनी विवाह गरी आएकाले परिवारबाट पनि कुनै सहयोग हुन सक्ने अवस्था नरहेकोले कोरिया वासी नेपालीहरुमा आर्थिक सहयोगको आवहान गरिएको सेजवालले थपे ।

सहयोगका लागि तल को बैंक एकाउन्ट मा जम्मा गरेपछि तल दिएको फोन नम्बरमा सम्पर्क अथवा म्यासेज गरि जानकारी दिनु होला र

IBK BANK (003)
Acc no : ( 221-379380-02-019)
BHATT KHEM RAJ
CONTACT : 01027071644

जानकारीका लागि
अरुण सेजवाल : 010-35167352
विकाश तामांग :010-59613889