भोम्जन परिवारलाई १२ लाख सहयोग
फोनिज कोरिया संवाददाता
काठमाडौं,-नेपाल खेलकुद पत्रकार मञ्चले भूकम्पका कारण ज्यान खेलपत्रकार सुमन भोम्जनको परिवारलाई साढे १२ लाख रुपियाँ बढीको आर्थिक सहयोग हस्तान्तरण गरेको छ । मञ्चले भोम्जनको घर हेटौडा पुगेर शनिबार सहयोग हस्तान्तरण गरेको हो |
मञ्च अध्यक्ष अजय फुयालको नेतृत्वमा भोम्जनको परिवार भेट्न पुगेको मञ्च टोलीले विभिन्न संघ, संस्था र व्यक्तिबाट संकलित १२ लाख ५९ हजार ३ सय ९४ रुपैयाँको चेक सुमनका बाबु सुरेन्द्रबहादुर र आमा विमला लामालाई हस्तान्तरण गरेको थियो ।
चेक हस्तान्तरण गर्दै अध्यक्ष फुयालले भोम्जन परिवारलाई आउने दिनमा सबै खाले आवश्यक सबै खाले सहयोगका लागि मञ्च तयार रहेको बताए । नेपाल पत्रकार महासंघका केन्द्रिय सदस्य समेत रहेका मञ्चका सचिव प्रकाश तिमल्सिनाले तिमल्सिनाले सुमनको मृत्यले परिवार र नेपाली खेलकुद पत्रकारितालाई अपुरणिय क्षेति भएको उल्लेख गरे । उनले भोम्जनको परिवारलाई सहयोग गर्ने सबै संघ, संस्था र व्यक्तिहरुलाई मञ्चका तर्फबाट धन्यवाद दिए ।
वैशाख १२ को विनाशकारी भूकम्पबाट भोम्जनको ज्यान गएको थियो भने उनको हेटौडास्थित घर बस्न नमिल्ने गरि चर्केको थियो । अहिले उक्त घर भत्काइएको छ । अध्यक्ष फुयाल, उपाध्यक्ष देवेन्द्र सुवेदी,महासचिव महेश आचार्य, सचिव तिमल्सिना, कोषाध्यक्ष प्रमोद पोखरेल, सदस्यद्वय निरञ्जन अधिकारी, प्रज्ज्वल ओली तथा मञ्च तालिम विभाग संयोजक पवन आचार्यलगायतको टोलीले भोम्जनको घर भत्काइएको स्थलको निरिक्षण गरेको थियो ।
राजधानीमा रहेर गोखरा पत्रमा खेल पत्रकारका रुपमा कार्यरत भोम्जन मञ्चको मकवानपुर समन्वय शाखाका संस्थापक अध्यक्ष हुन् ।
भोम्जनको परिवारलाई सहयोग हस्तान्तरण गरिदै । तस्बीर एनएसजेफ
करातेका राष्ट्रिय खेलाडी तथा प्रशिक्षकहरुले भुकम्प पिडितलाई घर बनाई दिएका छन् । नगरकोट स्थित महाँमञ्जुश्री–११ लिला देवि वास्तोलाको परिवारका लागि कराते खेलाडी तथा प्रशिक्षकले शनिवार घर वनाएर हस्तान्तरण गरेका हुन् ।
करातेका राष्ट्रिय खेलाडी पर्शुराम वास्तोलाको संयोजकत्वमा दशौ सागका स्वर्ण विजेता तथा हाल कराते राष्ट्रिय टिमका प्रशिक्षक कुशल श्रेष्ठ, एघारौँ सागका स्वर्ण विजेता हाल राष्ट्रिय टिमका खेलाडी सुनिल लामा, राष्ट्रिय खेलाडी तारा गुरुङ, जनक सिंह खड्का, साथै सञ्जु श्रेष्ठ, रोमा गुरुङ, सिमोन्सा श्रेष्ठ र प्रेम वहादुर योगीले भुकम्प पिडित लिला देविको परिवारलाई गाउँकै अस्थायी नमुना घर निमार्ण गरेर हस्तान्तरण गरेको छन् ।
हस्तान्तरण पश्चात एकल महिला लिला देविले आफू वनाउन नसकिरहेको अवस्थामा खेलाडीहरु आएर घर निर्माण गरिदिएकोमा खुसि व्यतm गर्दै भनिन, ’मलाई ठूलो सहयोग गरिदिनु भयो, आठ नौँ वर्षको लागि ढुक्क भएको छ ।’ लिलाको परिवारका एक छोरी र एक छोरा छन् । लायन्स क्लव, सामाखुसी मार्फत प्राप्त भएको नगदले खेलाडीहरुले घर वनाएर उपलब्ध गराएका हो ।
यसअघि उनीहरुले इटालिमा रहेका भोल एण्ड मिमिको सक्रियातामा ६ लाख बराबरको १ सय १० वन्डिल जस्ता ७३ घरधुरीलाई वितरण गरेको थियो।
