कोरियामा कामदारको अतिरिक्त कार्य समय घटने
सोल
दक्षिण कोरियामा स्वादेशी तथा विदेशी कामदारको अतिरिक्त कार्य समय ओटी अवधि घट्ने भएको छ । नयाँ नियम अनुसार हप्तामा १२ घण्टा मात्रै अतिरिक्त काम गर्न पाउने भएका छन् । हाल हप्तामा २८ घण्टा अतिरिक्त काम गर्दै आएका छन् ।
नयाँ नियम अनुसार हप्तामा कामदारको बेसिक कार्यअवधि ४० घण्टा र अतिरिक्त कार्य अवधी १२ घण्टा गरी जम्मा ५२ घण्टा काम गर्न पाउने छन् । हाल कामदारको एक हप्ताको कार्य अवधि बेसिक ४० घण्टा र अतिरिक्त २८ घण्टा गरी ६८ घण्टा रहेको छ ।
श्रम तथा वातावरण मन्त्रालयले मंगलबार राष्ट्रिय सभाबाट परिवर्तित नियमको विद्येक पारीत गरेपछि यो नयाँ नियम बनेका हुन् । तीन सयभन्दा बढी कामदार रहेको कम्पनीमा आगामी जुलाईदेखि यो नियम लागु हुनेछ । तीन सयभन्दा कम कामदार भएको कम्पनीमा सन २०२१ देखि र ५० जनाभन्दा कम कामदार भएको कम्पनीमा भने २०२२ देखि यो नियम लागु हुने जनाएको छ ।
लामो समय काम गर्दा कामदारको स्वास्थ्यमा पर्ने असरलाई कम गर्न र कम्पनीहरुको अतिरिक्त अर्थिक भार कम गर्न यो नियम लागु गरिएको जनाइएको छ । नयाँ नियमले ओटीको परिश्रमिक ५० प्रतिशत थप गर्नुका साथै साहुले नियम उल्घन गरे जरिवाना तिर्नु पर्ने हुन्छ । नयाँ नियमले ओटी घटेपछि बेसीक समय मै धेरै काम गर्नु पर्ने भएकाले कामदारको संख्या बढ्ने आशा गरिएको छ ।
