विश्वब्यापी कविता प्रतियोगितामा उत्तम लिम्बु प्रथम
अन्तराष्ट्रिय नेपाली साहित्य समाज (अनेसास) दक्षिण कोरियाद्धारा आयोजित विश्वब्यापी कविता प्रतियोगिताको नतिजा मंगलबार सार्वजनिक गरिएको छ । उत्तम लिम्बुको कविता युगका स्वरहरु प्रथम भएका छन भने निरज दाहालका गरिबका आँशु शिर्षकका कविता दितिय र ज्ञानेन्द्र बहादुर सिंहको नेपाल मेरो भन शिर्षकको कविता तृतीय बनेका छन् ।
प्रतियोगिताको लागि विश्वबाट एक सय ८६ कविता सामेल रहेको थियो । निर्णयक मण्डलमा बरिष्ठ समालोचक डा. खगेन्द्र प्रशाद लुइटेल, मधुपर्कका सम्पादक श्रीओम श्रेष्ठ, समालोचक डा. देवि नेपाल र अनेसास केन्दका प्रतिनिधी कवि गोर्वधन पुजा रहेका थिए । पुरस्कृत कविताहरु प्रथम , दितिय र तृतीयलाई क्रमशः रु. २० हजार, १० हजार र ५ हजारको व्यवस्था गरिएको छ ।
तीन चरणमा विभाजन गरी कविता छनौट गरिएको थियो । पहिलो चरणमा ५८ दोस्रो चरणमा २० र तेस्रो चरणमा १० कविता छनौट गरिएको थियो । उत्कृष्ठ १० कविताहरु मध्येबाट पुरस्कृत कविता निर्णय गरिएको थियो । उत्कृष्ठ १० मा परेका अन्य कविताहरुलाई प्रशन्सापत्र प्रदान गरिने आयोजकले जनाएको छ ।
अनेसास कोरियाले गत आइतबार सोलमा सम्पन्न गरेका देवकोटा जयन्ती र काब्य सुधाको चौथो श्रृखंला बृहत रचना वाचन कार्यक्रममा सो उत्कृष्ठ १० कविता वाचन गरिएको थियो । कार्यक्रममा मिलन कान्दा किराँती, जीत लामा, समीर यात्री, महेन्द्र केसी, लोकराज न्यौपाने, गंगा बस्नेत, राम केसी नयन, धिरेन्द्र स्पन्दन, नारायण भुसाललगायत सर्जकहरुले आ आफ्नो सिर्जना वाचन गरेका थिए ।
नेपाली कविताको उन्नयन र सृजनात्मक समृद्धिका लागि विश्वव्यापी काविता प्रतियोगिता आयोजना गरिएको कार्यक्रम संयोजक अनेसासका अध्यक्ष प्रमोद सारंगले जनाए ।
