किरात याक्थुम चुम्लुङ्गद्वारा निर्देशक नवीन सुब्बा र प्रकाश आङ्देम्बे सम्मानित
किरात याक्थुम चुम्लुङ्गद्वारा निर्देशक नवीन सुब्बा र प्रकाश आङ्देम्बे सम्मानित
नोगेन नेम्बाङ
दक्षिण कोरियाको बुसान शहरमा भएको बिआइएफएफ बुसान अन्तरराष्ट्रीय चलचित्र फेस्टिभलको २२औ कार्यक्रमको अवसरमा नेपालबाट सहभागी हुन आएका नेपलाी चलचित्र निर्देशकद्धय नविन सुब्बा र प्रकाश आङ्देम्बेलाई अक्टोबर २४ तारिख मंगलबार किरात याक्थुम चुम्लुङ्ग दक्षिण कोरियाले सम्मान गरेको छ ।
नेपालको संस्कार, संस्कृति वा आफ्नो मौलिक अनुहार पर्दा मार्फत बिम्बित गराई सिंगो चलचित्र क्षेत्रमा योगदान गर्नु भई याक्थुङ समुदायलाई पनि बिश्व सामु चिनाउन सफल बरिष्ट चलचित्र निर्देशक नबिन सुब्बा र साहित्यकार तथा निर्देशक प्राकाश आङ्देम्बेलाई किरात याक्थुम चुम्लुङ्ग दक्षिण कोरियाले भेटघाट कार्यक्रम तथा समान गरेको हो । कोरियाको आन्सान अवस्थित सगरमाथा रेस्टुरेन्टमा भएको कार्यक्रममा नेपाल आदिवासी जनजाती महासंघ कोरियाका अध्यक्ष चित्र बहादुर मोक्तानको प्रमुख अतिथि रहेको थियो । सम्मान तथा भेटघाट कार्यक्रममा निर्देशकद्धयलाई कि.या.चु. दक्षिण कोरियाका अध्यक्ष सुन्दर दिप आङ्देम्बे र प्रमुख अतिथि मोक्तानले सयुत्त रुपमा समान पत्र हस्तान्तरण गरेका थिए ।
सम्मान पछि आफ्नो मन्तव्य राख्ने क्रममा निर्देशक नवीन सुब्बाले नेपाली चलचित्र क्षेत्र नयाँ धारतिर उन्मुख हुँदै गर्दा हामी विभिन्न जातजाती, भेषभुषा, परम्परा, रितिरिवाज र संस्कृती बोकेको देश हुने हुदा सबै खालको चलचित्र निर्माण गर्न बिर्सुनु नहुने जिकिर गर्दै यहि सोचका साथ समाजको कथा अनि आफ्नै संस्कृती झल्किने नेपालीपन बोकेको चलचित्र ूनुमाफुङू बनाएको बताए । त्यसै गरि अर्का निर्देशक प्रकाश आङ्देम्बेले नेपाली चलचित्र नेपालीहरुको विविधता, नेपालीपन झल्किने नेपाली चलचित्र बनाउदा त्यति नचल्ने स्पष्ट पार्दै दुस्ख व्यक्त गरे ।
उक्त सम्मान कार्यक्रममा कार्यक्रमका प्रमूख अतिथी नेपाल आदिवासी जनजाती महासंघका अध्यक्ष चित्र बहादुर मोक्तान, उपाध्यक्ष मोहन जबेगुले स्वागत मन्तव्य राखेका थिए । चुम्लुङका संरक्षक गणेश मेन्याङ्बो र चुम्लुङ कोरियाका निबर्तमान अध्यक्ष सन्तोष मादेनले शुभकामना मन्तव्य दिएका थिए भने कार्यक्रम उपाध्यक्ष गजेन्द्र सेर्माले सञ्चालन जिम्मा पाएका थिए।
