बुसानमा पहिलो एभरेस्ट कप २०१७ फुटबल प्रतियोगिता हुने

बुसान, एभरेष्ट एफ.सि. बुसानको आयोजनामा बुसानमा पहिलो ‘एभरेस्ट कप २०१७ फुटबल प्रतियोगिता’को आयोजना गरिने भएको छ । कोरियाका बिभिन्न सहरमा छरिएर रहेका नेपालीहरु बिच फुटबलको माध्यमबाट आपसी मेलमिलाप र भाईचारा बढाउन तथा बिश्वको सर्वोच्च शिखर सगरमाथाको देश नेपाल भनेर कोरियामा चिनाउनका लागि पनि एभरेष्ट कप फुटबल प्रतियोगिताको आयोजना गरिएको हो ।

आगामी नोवेम्बर ५ तारिकका आइतबारका दिन हुन लागेको उक्त एभरेस्ट कप फुटबल प्रतियोगितामा १६ टिमका बीचबिच प्रतिष्पर्धा गरिने एभरेष्ट एफ सि बुसानका संयोजक धनराज तामाङले बताएका छन् ।

उक्त प्रतियोगितामा सहभागी हुनको लागि कोरियामा रहेका सबै नेपाली टिमलाइ चाडो भन्दा चाडो आफ्नो टिम दर्ता गर्नुहुन पनि आयोजकले अनुरोध गरेको छ । आयोजकका अनुसार प्रतियोगितामा सहभागी हुने टिमलाइ सजिलोको लागी २ वटा खेल मैदानमा खेलाइने भएको छ ।
प्रतियोगितामा प्रथम स्थान हासिल गर्ने टिमले २५ लाख र दोस्रो हुने टिमले १५ लाख कोरियन वनसहित सिल मेडल र प्रमाणपत्र प्राप्त गर्ने छन् ।

प्रतियोगितामा टिम दर्ता गर्न तीन लाख कोरियन वन र धरौती पचास हजार वन राखिएको छ । प्रतियोगितामा खेलाडीले पहेँलो र रातो कार्ड नपाए धरौटी पचास हजार वन फिर्ता गरिने पनि आयोजकले जनाएको छ । टिम दर्ता गर्ने खाता नम्बर र अरु जानकारी को लागि आयोजक मध्येका धिरज तामाङ, किरण अधिकार र सुरेश गुरुङलाई सम्पर्क गर्न सकिने छ ।