कोरियाको व्यस्तताले छेकेन अशोक थुलुङको प्रतिभाला

निश्चल काउचा

सोल – कोरियाको गाह्रो काम त्यस माथि दिन, रात नभनी काम गर्नु पर्ने बाध्यता तर आफुसंग प्रतिभा र कला छ भने केहीले छेक्न सक्दैन भन्ने उदाहरण हुन अशोक थुलुङ | ७ बर्ष अघि ई सेभेन विसामा कोरिया आएका थुलुङले नेपाल छदा नै ”गुन्द्रुक किनिमा” बोलको गीत २०५८ सालमा रेकर्ड गराएका थिए | सुर साधना कला केन्द्रमा गुरु कैलाश राईवाट ३ बर्ष संगीत शिक्षा लिएका थुलुङले अहिलेसम्म २७ वटा गीतमा स्वर भरि सकेका छन् | सांगीतिक वातावरणमा हुर्केका थुलुङले दाई , दिदी र परिवारवाट संगीतमा लाग्ने प्रेरणा मिलेको बताउदै संगीतमा लागेर नाम र दाम भन्दा पनि आत्मसन्तुष्टि मिलेको सुनाउछन |
२०५९ सालमा ” अनुभव” नामक पहिलो एल्वम बजारमा ल्याएका थिए भने २०६७ सालमा दोस्रो एल्वम ” फिलिङ” ल्याएका थिए | उक्त एल्वमको” जाली रुमाल” बोल रहेको गीतको म्युजिक भिडियो स्वर्गीय आलोक नेम्वाङले निर्देशन गरेका थिए | जुन गीतले दर्शक तथा स्रोताहरुको मन जित्न सफल भएको थियो | मेहनत र ईमान्दारसाथ संगीतमा लाग्न सके दाम र दाम दुवै भएको बताउदै थुलुङले कोरियाको ब्यस्त कामको बावजुत पनि संगीत क्षेत्रमा लाग्नु निकै कठिन कार्य भएको तर जहाँ ईच्या त्यहाँ उपाय पनि निस्कने अनुभव सुनाउछन |
अब छिट्टै नै ” अँगालोमा बाध मलाई” बोलको गीत म्युजिक भिडियो सहित बजारमा आउन लागेको जानकारी पनि दिए | जुन गीतको शब्द प्रविण चाम्जको रहेको छ भने स्वर तथा संगीत अशोक थुलुङकै रहेको छ | युगल पोमो लिम्बुले निर्देशन गरेको भिडियोमा अभिनय मोडलद्धय पुजन राई र स्वस्तिमा खड्काले गरेका छन् | अर्जुन तिवारीको छायांकन रहेको उक्त भिडियोलाई सम्पादन निशान घिमिरेले गरेका हुन |