एमटियु कोरियाको स्वागत तथा अन्तरक्रिया कार्यक्रम सम्पन्न
फोनिज कोरिया संवाददाता
सुवन
प्रवासी मजदुर संगठन (एमटियु)को नव सदस्यहरुलाई स्वागत गर्दै युनियनको गतिबिधीको मुल्याकन र भावी कार्य योजनाको बारेमा अन्तरक्रिया कार्यक्रम गत आइतबार (जनवरी १५तारिख )सम्पन्न भएको छ ।
केसीटियुको ख्यंगी क्षेत्रिय कार्यालय सुवनमा सो कार्यक्रम सम्पन्न भएको हो । कोरियामा प्रवासी मजदुरको स्थितिको बारेमा जानकारी गराउने उद्देश्यले आयोजित सो कार्यक्रममा गत वर्षको गतिविधी बारे विश्लेषण र भावी योजना बारे छलफल गरिएको थियो । साथै नयाँ सदस्यहरुलाई स्वागत गर्दै एक अर्कामा शुभकामना आदनप्रदान गरिएको थियो ।
कार्यक्रममा मजदुर संगठनको गतिबिधि बारेमा जानकारी गराउदै अध्यक्ष उदय राईले इपिएस अन्तर्गत प्रवासी मजदुरको अधिकार खोसिएको ले वार्क परमिट सिष्टमको लागु गर्नुपर्नेमा जोड दिए ।
एमटियुको बरिष्ट उपाध्यक्ष सेक आल मामुनले कोरियामा प्रवासी मजदुरहरु बिभिन्न किसिमको शोषण दमनमा परेको छन् । यसको बिरुद्दमा सबै एक जुट हुर्नेमा आग्रह गरे । एमटियुमा संगठित हुन साथै गतिबिधीमा सहभागी भईदिनु हुन आह्वान समते गरे ।
कार्यक्रममा एमटियु प्रचार प्रसार बिभाग प्रमुख मधुसुदन ओझाले
गलत नीतिको कारण कम्पनीमा भोग्नु परेका बिभिन्न किसिमको समस्याहरु सहि र स्थाई समाधानकोलागि मजदुर संगठनमा एकजुट भएर आवाज उठाउनुपर्ने बताए । डब्लुपीएस लागु गराउन प्रवासी मजदुर हामीबाटै मात्र सम्भब छ भन्दै यसकोलागि एकजुट हुनु पर्ने आग्रह गरे ।
यसै क्रममा बंगलादेशको प्रवासी मजदुर सेक रहमानले एमटियुले बिगतमा मजदुरको निमित्त धेरै संघर्ष गरेको जानकारी गराए ।
कार्यक्रममा एमटियुको आउदो मार्च महिनादेखि सउल ख्यंगी क्षेत्रमा न्यनततम ज्याला बृदि ,डब्लुपीएस लागु, बिबिन्न भिषामा काम गरिरहेको सबै प्रवासी मजदुरको समय समाधानमा सरकरले पहल गर्नु पर्ने माग गर्दै जुलुस लगायतको बिभिन्न कार्यक्रम गर्ने जानकारी पनि गराएका थिए ।
साथै सदस्य बृदि गर्ने कार्यलाई तिब्र गर्ने ,नया परानो सदस्यलाई मजदुर संगठनको बारेमा नियमित प्रसिक्षण दिई सक्रिय कार्यकर्ता बृद्दी गर्ने पारीत गर्दै कार्यक्रम समापन भएको थियो ।
