दक्षिण कोरियामा एक्लै बस्न रुचाउनेको संख्या बढ्दो


सोङ साङ–हो

दक्षिण कोरियाको राजधानी सहर सिओलमा कार्यरत एकजना ४० वर्षीया जो चो दुई दशकदेखि एक्लो जीवन बाँचिरहेकी छिन् । उनी पारिवारिक जिम्मेवारीको बोझबाट मुक्त रहेको र पेशागत करिअरलाई निरन्तर अघि बढाएको बताउँछिन् ।

कहिलेकाँहि, विदेश यात्रामा निस्कँदा साथीसँगीको साथ नपाउँदा दुखित हुन्छिन्, तर उनी बन्धनमुक्त जीवनशैलीबाट सन्तुष्ट छिन् । उनको विचारमा विवाहपछि यो सन्तुष्टी हराउँछ – किनभने उनका धेरै साथीहरु काममा र शिशुस्याहारमा अल्झिएका छन् ।

“साँचो कुरा के भने मेरा धेरै साथीहरु बालबच्चा हुर्काउनेजस्तो चुनौतीपूर्ण कामले थिचिएका छन्, र केहीले त घरायासी कामले जागिरबाटै राजीनामा दिएका छन्,” चोले बताइन् । “मेरा साथीहरुको तुलनामा मैले बढी स्वतन्त्र जीवन बिताउन सक्षम भएकी छु, र यसमा म खुशी छु ।”

दक्षिण कोरियामा चो एकजना प्रतिनिधि पात्र मात्र हुन् । उनीजस्ता धेरै कोरियालीले आजभोलि एक्लो जीवन बिताउन थालेका छन् । यसका पछिल्तिर धेरै कारण छन्ः आर्थिक कठिनाई, सम्बन्ध बिच्छेद तथा पति वा पत्नीको आकस्मिक मृत्यु ।

कोरियाली तथ्याङ्क ब्यूरोको पछिल्लो विवरण अनुसार गत वर्षसम्म एकल रुपमा बस्ने व्यक्ति (परिवार) को संख्या ५२ लाख पुगेको छ, र यो संख्या देशभरका १ करोड ९१ लाख घरपरिवारको २७.२ प्रतिशत हो । सन् १९९० को तुलनामा यो ९ प्रतिशतको वृद्धि हो ।

उमेरका आधारमा, कूल एकल परिवारको १८.३ प्रतिशत ३० वर्ष उमेरको हाराहारीका छन् भने ७० वर्ष वा सोभन्दा बढी उमेरका १७.५ प्रतिशत तथा २० वर्षको हाराहारी उमेरका १७ प्रतिशत छन् ।

तीस वर्षको समूहमा रहेका एकल परिवार जोन किम पनि हुन् । सिओलको दक्षिणी नगर सुओनमा कार्यरत किम एक दशकदेखि एउटा घरमा एक्लै बस्छन् । उनी विश्वविद्यालयमा भर्ना भएसँगै बाबुआमासँग अलग्गिएर त्यहाँ बस्न थालेका हुन् । किमका लागि आफ्नै किसिमको स्वतन्त्र जीवन प्राप्त छ र समय तथा पैसा पूर्ण रुपमा आफ्नै लागि खर्चिने गरेका छन् ।

“अरुका कुरालाई लिएर तपाईंले आफूलाई बदल्नु पर्दैन,” उनले भने, “तपाईंले जहाँ, जहिले पनि धुमपान गर्न सक्नुहुन्छ, कुनै पनि बखत सुत्न सक्नुहुन्छ र आफूखुशी पैसा खर्च गर्न पाउनुहुन्छ ।”

तर यस्तो मनमौजी जीवनशैलीका पनि आफ्नै किसिमका समस्या छन् । “हो, तपाईं एक्लो हुनुहुन्छ भने सबैभन्दा ठूलो दुर्गुण नै समयसमयमा तपाईंले एक्लोपनको महसुस गर्नुपर्ने हुन्छ,” किम भन्छन् । “अर्को नकारात्मक पक्ष, केही नराम्रो भयो जस्तै बिरामी हुँदा तपाईंलाई हेरचाह गर्ने कोही हुँदैन ।”

एकल परिवार संख्याको लगातार बढ्दो स्थितिले खाना खाने ठाउँहरु, बारहरु, कफीसपहरुमा एकल व्यक्तिहरुको संख्या बढेको देखिएको छ । स्थानीय रेस्टुराँ लान्चेस्टर एफएन्डबी कम्पनीले सिओल र अन्य सहरहरुमा १६ वटा रेस्टुराँ सञ्चालन गरिरहेको छ जसले एकल व्यक्तिका लागि रात्रिकालीन खानाको विशेष प्रबन्ध गर्दछ ।

“यी प्रत्येक रेस्टुराँमा हामीले ठूलो बार स्थापना गरेका छौं जहाँ प्रत्येक एकल ग्राहकले आरामसँग बस्न र खाना लिन सक्छ । हामीले के पनि सुनिश्चित गरेका छौं भने एकअर्को सिटबीच निकै फराकिलो ठाउँ छाडिएको र त्यसबाट कोहीपनि ग्राहकलाई समस्या हुँदैन,” लान्चेस्टरका उपाध्यक्ष पार्क जिओन–ऊक बताउँछन् ।

सिओलमै एकल व्यक्तिहरुलाई लक्षित गरी बढीभन्दा बढी मदिरा पसल (पब) हरु खुल्न थालेका छन् । दुई वर्षअघि मध्य सिओलको होन्गीक विश्वविद्यालय नजिकै ली साङ–हूनले एटलान्टिस नामको पब खोलेका थिए । यो पबले एकल ग्राहकहरुका लागि कफी, बियर र अन्य मदिराजन्य पेयपदार्थ बिक्री गर्दछ ।

“मैले आफैं यो क्याफे–पबको आन्तरिक साजसज्जा गरेको हुँ । कुनै ग्राहक एक्लै यहाँ आए पनि कुनै किसिमको अप्ठ्यारो अनुभव गर्नु नपरोस् भन्नेमा विशेष ध्यान दिइएको छ,” लीले भने, “म उनीहरुको साथी हुने कोसिस गर्दछु र घरकै वातावरण यहाँ उपलब्ध गराउने प्रयत्नमा छु ।”

एकल व्यक्ति परिवारको वृद्धिलाई ध्यानमा राखी डोङ्बु डेऊ इलेक्ट्रोनिक्स कर्पोरेसनले रेफ्रिजेरेटर, वासिङ मेसिन र माइक्रोवेभ ओभन समेतका साना घरेलु उपकरणहरुको उत्पादनलाई तीव्रता दिएको छ । “आफ्नो आर्थिक क्षमताका आधारमा एकल जीवन बाँच्न चाहनेहरुको संख्या बढेसँगै घरयासी उपकरणहरुको बजार वृद्धि भएको छ,” डेऊका प्रवक्ता ग्वोन डाई–हून बताउँछन् ।

व्यापारिक व्यक्तिहरुका लागि, एकल व्यक्तिहरुले व्यापारिक अवसरहरु पनि सिर्जना गरिदिएका छन् । तर केही अध्येताहरुको विचारमा यो निकै संवेदनशील र सरोकारको विषय हो । उनीहरु यसले मुलुकमा जनसांख्यिक चुनौतीहरु निम्त्याउँछ, खासगरी न्यून जन्मदरलाई यसले बढावा दिनेछ । कोरियाको हाल जन्मदर १.२ को हाराहारीमा छ, र सन् २००५ मा यो दर सबैभन्दा न्यून १.०८ रहेको थियो ।

“वयस्क व्यक्तिहरुले विवाह गर्न नरुचाउनाले मुलुकको प्रजनन दरमा असर पर्नेछ, र यसले ठूलो सामाजिक समस्या निम्त्याउनेछ,” कोरियाली स्वास्थ्य तथा सामाजिक मामिला इन्स्टिच्यूटका एसोसिएट अनुसन्धान फेलो ली साङ–लिमले बताए । “दीर्घकालीन दृष्टिकोणबाट विचार गर्दा, यी एकल व्यक्तिहरु विस्तारै बुढ्यौलीमा प्रवेश गर्नेछन्, र उनीहरुकै लागि सामाजिक कल्याण लागतमा वृद्धि हुनेछ ।”

उनको विचारमा सरकारले बढ्दो हाउजिङ लागत र अस्थिर रोजगारीका कारण सिर्जित समस्यामा ध्यान दिनुका साथै विवाहसँग सम्बन्धित सरोकारलाई न्यून गर्न विस्तृत, दीर्घकालीन नीतिहरु ल्याउनेतर्फ तत्कालै आवश्यक कदमहरु चाल्नु पर्दछ ।

अनुवादः सोमनाथ लामिछाने, रासस

 

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पूर्वाञ्चल सरोकार समाजले छुसकको कार्यक्रम बाँडफाँड तथा संयुक्त कार्यालय उद्घाटन गर्दै
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...