कोरियामा रहेका अबैधानिक बिदेशीलाई स्वदेश फर्कने अवसर
लीलु डुम्रे
सोल-कोरियामा अबैधानिक रुपमा बसोबास गरिरहेका बिदेशी कामदारहरुलाई स्वेच्छिक रुपमा स्वदेश फर्कन यहाँको सरकारले अवसरको घोषणा गरेको छ । कोरियाली अध्यागनम विभागले मंगलबार जारी गरेको सूचना अनुसार भिसा अवधि समाप्त भएर पनि कोरियामै रहेका अबैधानिक बिदेशी नागरिकहरुलाई स्वदेश फर्कन आग्रह गरिएको हो ।
जारी सूचना अनुसार स्वेच्छिक रुपमा स्वदेश फर्कने विदेशीले जरिवाना तिर्नु नपर्ने, जेलमा बस्नु नपर्ने र कोरियाबाट फर्केको २ बर्षमै पुन कोरिया प्रवेश गर्नसक्ने उल्लेख छ । पक्राउ परेर स्वदेश फिर्ता हुने बिदेशी नागरिकले १० बर्षसम्म कोरिया प्रवेशमा रोक लगाइने जनाइएको छ ।
स्वदेश फर्कन चाहने बिदेशी नागरिकलाई झन्झट नदिई फर्काइने सुचनामा जनाइएको छ । यसका लागि अध्याबाधिक राहदानी वा ट्राभल डकुमेन्ट लिएर कोरियाको जुनसुकै क्षेत्रमा रहेको अध्यागमन विभागमा सम्पर्क गर्न सकिने जनाइएको छ । त्यस्तै नक्कली राहदानी र प्रचलित नियम बिपरित प्रक्रियाबाट कोरिया प्रवेश गरेका बिदेशी नागरिकको हकमा थप ३ दिन अनुसन्धान गर्न समय लाग्ने जनाइएको छ ।
सूचना अनुसार स्वेच्छिक फर्कनेहरु पुनः दुइ बर्षमा कोरिया प्रवेश गर्न इच्छुक भए भिषा प्रक्रियामा प्राथमिकता दिईने जनाइएको छ । कहिलेसम्म लागु हुने मिति उल्लेख नगरिएको सूचनामा ईन्च्छन,किम्हे,र गिम्पो विमानस्थलहरुमा रहेको अध्यागमन बिभागहरुबाट बिस्तृत जानकारी लिन सकिने जनाइएको छ ।
सुरक्षा निकायले पक्रिएपछि फिर्ता भएको अवस्थामा अवैधानिक बसेको बर्ष अवधि अनुसार दण्ड जरिवाना गरिने व्यवस्था छ । दुतावासका उपनियोग प्रमुख राजाराम बर्तौलाले कोरिया प्रवेश पुनः निश्चित भएको अवस्थालाइ ख्याल गर्दै स्वदेश फिर्ता हुन अवेधनिक नेपालीहरुलाई आग्रह गरे । बर्तौलाले जारी सूचनाले अवसरको सदुपयोग साथै नेपाली कामदारको कोटा बढ्न सक्ने आशा राखे ।
कोरियामा नेपालीहरु अबैधानिक हुनुको मुख्य कारण उमेरको हदबन्दि रहेको छ । ४० बर्ष पछि पुनः कामको लागि प्रवेश रोकिएको छ । कोरियामा करिब २ लाख अबैधानिक बिदेशी कामदार रहेका छन् । यी मध्ये सबैभन्दा कम संख्यामा नेपाली नेपाली रहेको कोरियाली अद्यागमन बिभागको तथ्यांकमा रहेको छ । तथ्यांक अनुसार करिब १ हजार नेपाली अबैधानिक रहेका छन् ।
