कृषि तालीम केन्द्रको भर्नाको लागि अन्तर्वार्ता लिइने, इच्छुक नेपालीहरुमा नाम टिपाउन आग्रह

किम्हे, किम्हे ग्लोबल सेन्टर र किम्हे माइग्रेन्ट हाउसको संयुक्त आयोजनामा आगामि मार्च महिनाबाट संचालित कृषि तालिम केन्द्रको भर्नाको लागि अन्तर्वार्ता सम्वन्धि सूचना प्रकाशित भएको छ । भोलीको दिनमा नेपालमा सामूहिक कृषि प्रविधि भित्र्याउने उदेश्य सहित संचालन हुन लागेको कृषि तालिम केन्द्रमा कृषि सम्वन्धि तालिमहरुमा पहिलो चरणमा आधुनिक प्रविधिको तरकारी खेती, ग्रीन हाउस प्रविधि समवन्धि तालिम, कृषि औचार प्रयोग तथा मर्मत सम्वन्धि तालिम दिइने भएकोले इच्छुक नेपालीहरुमा उपस्थितिको लागि पनि हार्दिक अनुरोध गरेको छ ।
उक्त कृषि तालिमको लागि कोरिया प्रवेश गरेको कम्तिमा दुईवर्ष कटेको हुनेपर्ने तथा कोरियन भाषाको राम्रो ज्ञान भएको र टोपिक २ लेभलसम्म पास गरेको हुनुपर्ने छ । यहि डिसेम्बर २५ वा जनवरी १ तारिखका दिन किम्हे माइग्रेन्ट हाउसमा दिनको २ बजेदेखि अन्तर्वार्ता लिइने भएकोले इच्छुक तथा योग्यता प्राप्त व्यक्तिहरुले जतिसक्दो नाम टिपाउन पनि आयोजकले आग्रह गरेको छ ।

अन्तर्बाताको लागि योग्यता:-
*कोरिया प्रबेश गरेको कम्तिमा २बर्ष कटेको हुनुपर्नेछ अन्येथा कोरियन भाषा टोपिक् २लेभल पास गरेको हुनुपर्नेछ अर्थात कोरियन भाषा जानेको हुनुपर्नेछ।

मिति:-डिसेम्बर २५ वा जनवरि १तारिक
स्थान:-किम्हे माइग्रेंट हाउस
समय:-दिनको ठीक २बजे देखि
सम्पर्क नं:०१०-६३००-०९०२(यज्ञराज सुबेदी)
०१०-६५१०-८६४३(हरी थपालिया)
०१०-९५०६-३२०७(रमेश उप्रेती)
ठेगाना:-김해시 서상동 10-1번지