कोरियको छिन्छनमा जनवरी ८ मा चलचित्र जात्रा प्रर्दशन गरिने
लिलु डुम्रे
सउल
यस बर्षको सफल चलचित्र जात्रा छिन्छनमा पनि प्रदर्शन गर्न लागिएको छ । २०१६ मा सर्वाधिक कमाउने चलचित्रहरुको श्रेणीमा पर्न सफल सिनेमा जात्रालाई छंग्जु क्षेत्रको छिन्छन शहरमा प्रदर्शन गर्न लागिएको हो । नेपाल पत्रकार महासंघ दक्षिण कोरिया शाखाले चलचित्र जात्रालाई जनवरी आठमा छिन्छनमा प्रदर्शन गर्न लागेको हो ।
छंग्जु क्षेत्रमा नेपालीहरुको बढी घनत्व रहेको छिन्छन शहरमा उक्त चलचित्र प्रदर्शनको तयारी गरिएको छ । महासंघ शाखाले जात्रालाई सुबिधा सम्पन्न हलमा प्रदर्शनको प्रबन्ध गरेको छ । दर्शकहरुलाई सुबिधा सम्पन्न फिल्म हलको शो मार्फत थप मनोरञ्जन प्रदान गरिने महासंघ शाखाले जनाएको छ ।
छिन्छन बस टर्मिनलसंगै जोडिएको भवनमा रहेको मेघा बक्स सिनेमा हलमा जात्राको शो हुनेछ । अपरान्ह १२ बजे देखि चलचित्र प्रदर्शन शुरु हुनेछ । सोहि दिन स्थानीय कलाकारहरु मार्फत बिबिध सास्कृतिक प्रस्तुति पनि राखिएको व्यवस्थापक गुरुदेवले जानकारी गराए ।
नेपालमा बिगत एक महिना देखि हाउसफुल भइ चलिरहेको जात्रा दक्षिण कोरियाका विभिन्न शहरहरुमा प्रदर्शन हुदैछ ।
छिन्छनमा जात्रा चलचित्र प्रदर्शनको बारेमा सम्पर्क
गुरुदेव डुम्रे ०१० २१६५५२३१
सुनिल हमाललाई ०१० ५७०९६२२८
