संचारकर्मी तथा गायक ऐश्वर्य श्रेष्ठ सम्मानित
फोनिज कोरिया सम्वाददाता
सउल, संचारकर्मी ऐश्वर्य श्रेष्ठले शनिबार साँझ भेला भएका दर्शकलाई आफ्नो सांगीतिक तथा साहित्यिक रचनाद्वारा भरपुर मनोरञ्जन प्रदान गरे । नेपाल ललितकला मञ्च दक्षिण कोरिया र छन्देरी ग्रुपले सउलको लक्ष्मी रेष्टुरेन्टमा आयोजना गरेको ‘ऐश्वर्य साँझ’ कविता वाचन तथा सम्मान कार्यक्रममा उनले आफनो एल्वमको चर्चित गीतका साथै विभिन्न गीत तथा रचनाहरु वाचन गरेका थिए ।
संचारकर्मी तथा गायक श्रेष्ठलाई कार्यक्रमका प्रमुख अतिथि जिवन खत्रीले विभिन्न गजल तथा मुक्तक प्रस्तुत गरेर साथ दिएका थिए । त्यसैगरी कलाकार बाबु साइलाले पनि आफ्नो कविता, गजल र मुक्तक सुनाएका थिए ।
श्रेष्ठलाई कोरियामा रहेर पत्रकारिता क्षेत्रमा दिएको योगदानको कदर गर्दै ललितकला र छन्देरी समुहले सम्मान समेत गरेको थियो ।
