स्याङ्जा परिवारले गोर्खा र स्याङ्जामा रहात बितरण गर्ने

नोमराज गुरुङ्

सोल–कोरिया ।
बैशाख १२ गते नेपालमा गएको महा–भुकम्पबाट पीडितहरुको लागि स्याङ्जा परिवार दक्षिण कोरियाद्धारा सङ्कलित रहात गृह जिल्ला स्याङ्जा र गोर्खामा बिरतण गर्ने भएको छ ।

परिवारका अध्यक्ष धर्म गुरुङ्को अध्यक्षतामा आईतबार सोलको दोङ्देमुनमा बसेको बैठकले सङ्कलित कुल रकम १ करोड ३० लाख मध्य ४० प्रतिशत गृहजिल्लामा र ६० प्रतिशत गोर्खाका महा–भुकम्प पीडितहरुलाई बितरण गर्ने निर्णय गरेको हो ।

गोर्खा जिल्लामा रहात बितरणका लागि स्याङ्जा परिवार दक्षिण कोरियाका भू.पू. सक्रिय सदस्य सूर्य चन्दको संयोजकत्वमा नरेश केसी, सुमन अर्याल, पारस थापा, बिष्णु ढकाल, मोहन गुरुङ् लगायत सदस्य हुने गरी रहात सामाग्री बितरण टोलि समेत गठन गरिएको छ ।

टोलिले एबीसी टेलिभिजन पोखरा ब्यूरो प्रमुख एम्बी आस्था, पत्रकार लोक गुरुङ् र सामाजसेवी लालबहादुर गुरुङसँग सहकार्य गरी गोर्खाको सौरापानी गा.वि.स. अन्तर्गतका गाउँहरुमा रहात सामाग्री लिएर जानेछ ।

नेपालमा बर्षा याम सुरु भएकाले त्रिपाल, टेन्ट र खाद्यान्न भन्दा पनि जस्ता पाता नै खावश्यक हुने निष्कर्ष निकाल्दै आईतबार सम्पन्न परिवारको बैठकले रहात सामाग्री स्वरुप जस्ता पाता नै बितरण गर्ने निर्णय गरेको छ ।

जस्ता पाताको बितरण गर्दा दलित बस्ति र आम्दानीको स्रोत नभएको भुकम्प पीडितलाई लक्षित गरिने समेत परिवारले जनाएको छ ।

त्यस्तै गृह जिल्ला स्याङ्जामा भने परिवारले जिल्ला दैविक प्रकोप कोषमा रकम नै जम्मा गर्ने निर्णय गरेको छ ।

यसैबीच स्याङ्जा परिवार दक्षिण कोरियाले आईतबारै एक अनौपचारिक कार्यक्रमको आयोजना गरी संस्थाका सक्रिय सदस्य भिम गुरुङ्को परिवारलाई महा–भुकम्प पीडित रहात स्वरुप ४ लाख वन हस्तारण गरेको छ ।

परिवारको आपतकालिन रहात कोषबाट भुकम्प पीडित परिवारका सदस्य भिम गुरुङ्लाई सो रकम हस्तान्तरण गरिएको हो ।

स्याङ्जाको पेल्काचौर गा.बि.स. वडा नम्वर ३ गौंखा स्थाई घर भई हाल ललिपुरको खुमलटारमा बस्दै आएका रबिन्द्र गुरुङ्ले बैशाख १२ गतेको मह–भुकम्पमा परि ज्यान गुमाएका थिए ।

खुमलटार स्थित आफ्नै टोलमा ज्यान बचाउनको लागि भग्दा भाग्दै पर्खाल भत्किएपछि सोही पर्खालमुनि परेर उनको मृत्यु भएको थियो ।

मृत्यु भएका रबिन्द्र गुरुङ् स्याङ्जा परिवार दक्षिण कोरियाका सक्रिय सदस्य भिम गुरुङ्को दाजु हुन् । ३८ वर्षीय मृतक गुरुङ्को श्रीमति र ३ छोरी छन् ।

रहात हस्तान्तरण कार्यक्रममा मृतक रबिन्द्र गुरुङको  आत्मको चीर शान्तिको कामना र परिवार प्रति धैर्यधारण गर्ने शक्ति मिलोस भन्दै १ मिनेट मौन धारण समेत गरिएको थियो ।