कोरियामा आत्माहत्या गरेका डांगीका पत्नी र छोराले न्याय माग्दै दुतावासमा निवेदन दिए
फोनिज कोरिया संवाददाता
सउल
दक्षिण कोरियामा गत सेप्टेम्बर २० तारिख आत्माहत्या गरेका व्यवसायी स्व. डांगीकी पत्नि रिता गुरुइ० डांगी र ठूलो छोरा आकाश डांगीले न्याय माग्दै कोरिया स्थित नेपाली राजदुतावासमा निवेदन दिएका छन् । स्व. डांगीको हत्याको आरोप लगाई आफूहरुलाई ज्यानमार्ने धम्की र विभिन्न मानसिक तनाब दिइरहेकोले सम्बन्धीत विषयलाई छानविन गरी न्याय पाउ भनी निवेदन हालेको पत्नि रिताले बताउनुभयो ।
कोरियन प्रहरी र अस्पतालको पोष्टमार्टम रिपोर्टले आत्माहत्या प्रमाणित गर्दागर्दै पनि निजकी आमा भिमकुमारी डांगी, दाजु सुमन डांडी र भाई सरोज डांगीले निजको श्रीमती रिता गुरुइ० डांगी र दुई छोराहरु मध्ये जेठा छोरा आकाश डांगीलाई विना प्रमाण बारम्बार हत्याको आरोप लगाई विभिन्न किसिमको यातना र ज्यान मार्ने धम्की दिइरहेको हुदाँ सम्बन्धीत विषयलाई छानविन गरी पीडितलाई न्याय दिन अनुरोध गरिएको निवेदनमा उल्लेख छ ।
मंगलबार दूताबासमा दर्ता भएको निवेदन बुधबार प्रक्रियाको लागि नेपाल परराष्ट्र मन्त्रालयमा पठाएको दूताबासका कार्यवाहक राजदुत किरण शाक्यले जानकारी दिनुभयो ।
स्व. डांगीका दाई सुमन डांगीले फोन वा म्यासेजमार्फत विभिन्न आरोप प्रत्यारोप लगाउदै गाली गलौज गरी मानसिक तनाब दिइरहेको दुखेसो पत्नि रिताले पोखे ।
डांगीको मृत्यु भएको भोलिपल्ट नै पत्नि रिता र ठूलो छोरा आकाशले हत्या गरेको किटानी जाहेरी सहित दूताबासलाई सम्बोधन गरी लेखिएको निवदेन दाई सुमनको फेशबुकबाट सार्वजनिक भएको थियो । तर दूताबासमा सो पत्र नआएको दुतावासले जनाएको छ ।
कोरियाको सामाजिक संजालहरुमा स्वा. डांगीको मृत्यु बारे भ्रम फैलाएको भन्दै पत्नि र छोराहरुबाट गम्भीर आपत्ती जनाएका छन् । कोरियामा मृतक डांगीको शबको फोटो विना अनुमति सार्वजनिक गरी गलत सूचना सम्प्रेशन भएकोले नेपालको परिवारबाट हामीलाई लगातार धम्की र मानसिक तनाब दिइदै आएको भन्दै निष्पक्ष छानविन गर्न अन्तराष्ट्रिय कानुनी उपचारमा जाने पत्नि रिताले बताउनुभयो ।
पति डांगी र आफू गुरुइ० जाती भएकाले अन्तरजातिय विवाहको कारण पनि नेपालको परिवारबाट बढी नै मानसिक दवावद दिने गरेको भन्दै २१ औ शताब्दीमा पनि जातिय विभेदको शिकार हुनु परेकोमा दुखी हुदै पत्नि रिताले घटना स्थल बुझन पुगेका केही व्यक्तिहरुबाट नै घटनाबारे सत्य तथ्य नबुझी गलत सूचना सार्वजनिक गरिएको आरोप लगाउनुभयो ।
यसरी मानव संवेदनाका विषयलाई विना अनुमति सार्वजनिक गरी विभिन्न टिक्का टिप्पनी गरेर आफुहरुको मानवअधिकार समेत हनन भएको पत्नि रिताको भनाइ रहेको छ । साथै आत्माहत्या नै भएको पोष्र्टमार्ट रिपोर्ट, सिसीटिभीको फुटेज र प्रहरीको प्रमाणपत्रहरु आफूसंग सुरक्षित रहेको भन्दै हत्याको आरोप निराधार रहेको दावी समेत उहाँले गर्नुभयो ।
