पाँच फिट अग्लो अभिनन्दन पत्र
काठमाडौं : पाँच फिट अग्लो अभिनन्दन पत्र, ७१ साहित्यिक संस्थाको अभिनन्दन । इटहरी र धरान गरी दुई ठाउँमा रथारोहण । ५५० पृष्ठको ५० जनाभन्दा बढी लेखकले लेखेको अभिनन्दन ग्रन्थ ‘सडकदेखि शिखरतिर’ । राष्ट्रपति, प्रधानमन्त्री तथा प्रज्ञा प्रतिष्ठानका कुलपतिको शुभकामना । यति ठूलो कसलाई अभिनन्दन ? प्रा.डा. टंकप्रसाद न्यौपानेलाई । जसले सानै उमेरमा आमा गुमाए । छिमेकी महिलाको दूध खाएर हुर्के । अपांग बुवासँग बिजयपुरको मन्दिरमा बसे । त्यहीँबाट आएको दान र सहयोगले जीबन धाने । पछि भाेजनवृत्ति पाएर अध्ययन अगाडी बढाए । विद्यावारिधि गरे । साहित्य र भाषा क्षेत्रमा अमूल्य योगदान दिए । उनै विद्वानको यही भदौ १५ गते रथाराेहणसहित अभिनन्दन गरिदैछ ।
‘त्यसदिन १६ जनजातिको साँस्कृतिक झाँकीसहित अभिनन्दन गर्दैछौ’, अभिनन्दन समारोह समितिका संयोजक कवि अनिल पौडेलले भने । विभिन्न आदिवासी जनजातिको भाषाको अध्ययन गरेर नेपालमा जातीय सदभाव बढाउन याेगदान गरेकोले पनि प्रा.डा. न्यौपानेलाई अभिनन्दन गर्न जरूरी देखिएको संयोजक पौडेलले बताए । आठपहरिया राई भाषामा विद्यावारिधि गरेको न्यौपानेले लाेहरूड० भाषा, लिम्बु भाषा र नेपाली भाषाको तुलनात्मक अध्ययन लगायत ब्याकरण सम्बन्धी प्रशस्त काम गरेका छन् । उनले भाषा सुधारका नाममा गरिएको भाँडभैलोविरूद्ध खबरदारी गर्दै आएका छन् । अभिनन्दनले आफूलाई खुसीभन्दा पनि जिम्मेवार बनाएको बताए । उनले भने,’मैले पढाउँदा पनि मैत्री र ब्यबहारिक रूपमा पढाएँ । लोपोन्मुख भाषाको संरक्षण गर्नु आफ्नो दायित्व ठानेँ । काम गर्दै जाँदा समाजले देख्दोरहेछ । ‘ नेपालको बहुल समाज प्रतिविम्वित गर्दै न्याैपानेले गीत लेखेका छन् : एउटै रड०मा कहाँ राम्रो हुन्छ नि हौ चित्र जे छ भन्नु बहुरंगी हार नै हो मित्र ।
