नेता भनाउँदाका दुइ जिब्राले नै धोका दिएको हो ?


 हामी नेपाली जनमानसमा वास्तबमा नै परिचित शब्द हो यो ” नेता” भन्ने शब्द । सामान्य भाषामा नेता भन्नाले कुनैपनी संघ-संस्थालाइ अगुवाई गर्ने अर्थात अग्रस्थानमा बसेर काम गर्ने ब्यक्ति वा पद भन्ने बुझिन्छ । भएकै कुरा भन्ने हो भने, नेपाली जति धेरै संघ_संस्था र नेताहरुसंग परिचित र नजिक सायद अरु कुनै मानिस छैनहोला ।
देश-विदेशमा हेर्नुस त कतिछन् सामाजिक, धार्मिक,राजनितीक,क्षेत्रीय,जातीय आदी संघ-संस्था र तिनीहरुका अगुवाहरु । यसरी सामाजिक संघ-संस्था खोल्नु र तिनीहरुलाइ अगुवाई गर्ने नेताहरु हुनु भनेको वास्तवमानै राम्रो कुरा हो तर संख्यात्मक भन्दापनी गुणात्मक कुरा चैं मुख्य हो । अस्वास्थ्यकर र साँगुरो घेरामा भन्दापनी स्वास्थ्यकर र फराकिलो अबस्थामा रहनु अर्को प्रमुख कुरा हो । हुनत यी अगुवा भनाउँदा र नेताकहरुबाट वरपर रहेका सबै सर्वसाधरणहरुले ठुलो आशा गरेका हुन्छन त्यसैले ज्यान दिएर अघिपछी लागेकापनी हुन्छन। विभिन्न पक्ष विपक्षमा तेरो- मेरो गर्दै समर्थन र विरोधमा पनी लागेका नै हुन्छन । त्यसो त आफ्नो पक्षकाले गल्तिनै गरेपनी ढाकछोप गर्न र नेता भक्त हुन पनी पछी पर्दैनन ।
हाम्रो नेपालको वर्तमान अबस्थामा चलिरहेको राजनितीक हर्कद र ब्यबाहारहरुबाट झनै यो कुरा प्रष्ट भइरहेकोछ । राजनितीक लगायत अन्य बिभिन्न संघ-संस्थाका ठुला-साना, आउरे-भाउरे, नयाँ-पुराना,युवा-बुढा जस्तोसुकै नेता किननहुन आखीर ती नेता नै हुन । नत कुनै मापदण्ड नै चाहिन्छ नत उमेरको कुनै हदबन्धी नै, चाहेमा जोसुकै नेता हुन्छन हाम्रो नेपालमा । कोही धर्मको, कोही क्षेत्रको, कोही जातीको त कोही पार्टीको कसरी हुन्छ नेता त बनेर नै छाड्छन हाम्रो नेपालमा । नेतामा के-के गुण हुनुपर्छ, नेताले के गर्नुपर्छ कुनै मतलब छैन..देशको अबस्था जस्तोहोस अनि जनता जसरी बसुन तर नेता चैं बन्नैपर्छ हाम्रो नेपालमा ।
धर्मको नामबाट हुन्छकी, क्षेत्रको नामबाट हुन्छकी,जातीको नामबाट हुन्छकी, गरीवलाइ आशा बाँडेर हुन्छकी नेता चैं बन्नैपर्छ हाम्रो नेपालमा । कसैले गर्छन क्रान्तिका कुरा, कसैले गर्छन शान्तीका कुरा, कसैले गर्छन अधिकार र आशाका कुरा त कसैले गर्छन विकास र नयाँ कुरा .. खयर जेहोस तर नेता बन्नैपर्छ हाम्रो नेपालमा । ठुलो-सानो, कालो-गोहोरो, चुच्चो -नेप्टो र थेप्चो अनी महिला र पुरुष नै किननहोस त्यो नेपाली हो, त्यो नेता हो, त्यो हाम्रो हो । तर यी नेताहरुको ब्यबाहारमा खै वर्ग र गरिबका कुरा कहाँछन ..?? खै हिमाल देखी तराइ सम्मका पिछाडीएका र तलपरेका निमुखाका कुराहरु, कहाँ छन ..?? खै कहाँछन समग्र नेपाली र नेपालको हित र भलोका कुरा ..?? साँच्चीकै मुख र ब्यबाहारमा मेल खाएको छ त .. आज यो प्रमुख कुरा बनेकोछ । नेपालीहरुका नेता भनेपछी हाम्रा नेता भन्नैपर्यो, हेर्नुस त हाम्रा नेताहरु .. गरिबका झुपडीमा गएर के भन्छन..!! किसानका खेतहरुमा गएर के भन्छन ..!! मजदुरहरुका पसीना बगेठाउँमा गएर के भन्छन ..!! कुनै एउटा क्षेत्र र जातीमा गएर के भन्छन ..!! शहीद र बेपत्ता परीवारसंग गएर के भन्छन ..!! आफन्त र आफ्नाहरुसंग गएर के भन्छन ..!! अझ हेर्नुस चुनाव आएकोवेला हाम्रा नेताहरु के भन्छन ..!! अनी समग्र देश भित्र र देशबाहीर ( मन्त्री बन्ने बेलामा ) हाम्रा नेताहरु के भन्छन ..!! कस्ता आशा बाँड्छन, कस्ता नारा लगाउँछन, हेर्नुस त ..!!
सामान्य नेपालीले पनी सजिलै अनुमान लगाउन र भन्न सक्छन । ठाउँ र अबस्था अनुसार नत बोलीको एकरूपता हुन्छ नत ब्यबाहारको नै । झुट्टा कुरा र खोक्रा आशा बाँड्न मात्र त के, ताल पर्यो भने रुनपनी पछी पर्दैनन हाम्रा नेता । यसरी नाटक मन्चमा कलाकारले रुपबदले जस्तै आफ्नो बोली र ब्यबाहार बदल्ने नेताहरुलाइ दुइ जिब्रे नभनी कसरी एक जिब्रे भनौं त ..!! अनी सत्य र निष्पक्ष भाषामा भन्न पर्दा यीनीहरुसंग विश्वास नगुमे को संग गुम्छ त ..!! तिनीहरुले धोकानदीए कसले दिन्छ त ..!! यस्ता हर्कद र ब्यबाहारलाइ धिकार नमाने केलाइ मान्ने त ..!! यिनीहरुको पछी लाग्नु भनेको समयको वर्वादी, समग्र देश र जनताको नोक्सानी होकी हैन ..?? धेरै कुहेका आलुले थोरै राम्रा आलुहरुलाइ पनी बर्बादी पार्छन अब यो कुरा बुझ्नेबेला आएको छ ।
दिनको घाम जतिकै प्रष्ट छ, हेर्नुस त .. कुर्सीको लागी कस्तो तालमेल,कति सजिलो आलोपालो वा पालै-पालो रे, सरकार ढाल्न र बनाउन कति सजिलो बरु चर्पी बस्न समय लाग्छ । मन्त्रीको लागी भारतीय दुताबासमा हेर्नुस त कमिलाको लस्कर जस्तो भ्याइनभ्याइको लाइन । सरकारमा जानभनेपछी हेर्नुस त नेपालको खोला-नाला बेच्न र आत्माघाती सम्झौता गर्नपनी पछी नपर्ने ..!! मधेसी जनताको हितको लागी आन्दोलन गर्यो अनी सरकारमा गयो मन्त्री बन्यो बाँकी जस्ताको तस्तै .. खै मधेसी गरिब र बर्गीय हितको कुरा ..!! जस्ताको तस्तै । जातीय कुरा गर्यो नेता भयो मन्त्री बन्यो खै त्यहाँको बर्गहित र समनाताको कुरा ..!! यतिबर्षे र उतीबर्षे युद्धको नाम दियो, आखीर त्यहाँ कसले विरगति प्राप्त गर्यो,गरिबले हैन ..!! जस्ताको तस्तै छ शहीद र वेपत्ता परीवारको पिंडा । हरेक आश्वासन र लोभ बाँड्यो आखीर विलासीताको महल र कुर्सीको स्वादमा को दौडदैछ ..!! किन सबैलाइ चित्त बुझ्ने संविधान अझै नआएको आवास छ ..!! कोही नयाँ हुन्छु भन्छन, कोही पुराना नै ठिकै आखीर किन त ..!! अझै पनी संसदीय ब्यबस्था ठिक छैन भन्नेपनी छन आखीर किन त ..!! यस्ता आदी इत्यादी यक्ष प्रश्नको गुणदोस नेता र अगुवाहरुले लिनुपर्छ की पर्दैन ?? तिनीहरुको बोली र ब्यबाहारमा विश्वासनियता र एकरूपता हुनुपर्छकी पर्दैन ?? तिनीहरुले समग्र नेपाली जनता र समग्र नेपालको बारेमा सोच्नुपर्छ की पर्दैन ?? कि कुर्सीमा बस्ने र आफ्नो ढिकुटी मात्र भर्दाहुन्छ ..??
आज यो विषय प्रमुख र सोचनीय बनेको छ । नेता आफैंले पनी सोच्नुपर्ने बेला आएको छ । वास्तबमा नै ती ढाँट्ने र छल्ने दिनहरुमा परिवर्तन आएको छ । यसो भन्दै गर्दा कतिपय देश-भक्त र असल नेताहरुपनी छन् जसको आफ्नै स्थान छ तर समग्र ठुला र आशा भएकाहरुको यो दुइ जिब्रे हर्कद र ब्यबाहारबाट विश्वासनियता भने गुम्दै गएको छ । अन्ध-भक्त तरीकाले हामफाल्नु र समर्थन गर्नु भन्दापनी गम्भिर तरिकाबाट सोच्नुपर्ने अबस्था आएको छ । सबै कुरा नेतालाइ मात्र छोड्नुभन्दा पनी हरेक नेपाली युवाहरुले बुझेर अघीबढ्नुपर्ने भएको छ । हाम्रालाइ भन्दा पनी राम्रालाइ स्थान दिनुपर्ने बेला भएको छ । यो फोहोरी परम्पराबादी,अवसररुपी कुर्सीको यस्तो पेसेवर खेललाइ सधैंकोलागी अन्त्य गर्नुपर्ने बेला भएको छ ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पूर्वाञ्चल सरोकार समाजले छुसकको कार्यक्रम बाँडफाँड तथा संयुक्त कार्यालय उद्घाटन गर्दै
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...