गर्मीबाट बच्ने उपायहरु
फोनिज कोरिया संवाददाता
सउल
कोरियामा अहिले गर्मी निकै बढेको छ । दैनिक ३० डिग्री सेल्सीयस भन्दा माथि तापक्रम पुगेको छ । गरमीकै कारण कोरियामा बृद्धबद्धादेखि बालकसम्मका ज्यान गइसकेको छ । यो मौसममा मानिसका स्वस्थ्यमा विभिन्न समस्या देखिने गर्छन । चक्कर लाग्ने , बान्ता हुने, शरिरमा पानीको कमि भएर हुने देहाइड्रेसन जस्ता विरामीहरु देखा पर्छन । जसलाई गरमी विरामी भनिन्छ ।
गर्मीबाट बच्न दैनिक २ देखि ३ लिटर पानी पिउनुपर्छ । एसी र कुलरबाट निस्केर घाममा कम बस्ने गर्नुपर्छ । खाली पेट घाममा नबस्ने , बाहिर निस्कनेबेला पानी पिएर निस्कने , सुती वा लुज कपडा लगाउने , चिया र मसलादार खाना कम खाने, मदिरा र मध्यपान कम गर्ने , चर्को घाममा खुला शिर, खाली खुट्टा , कपडा विनाको नांगो शरीरमा घाममा ननिस्कने गर्नुपर्छ ।
बाहिर घामबाट आएपछि तुरुन्तै एसी वा कुलरको अगाडी बस्नु र चिसो पानी पिउनु खतरा मानिन्छ । योगाका केही आसन शितकरी, शितली, सभासन, चन्द्र भेदन जस्ता आनसले पनि गर्मीमा फाइदा हुन्छ ।
गर्मीमा प्याजको सेवनले निकै फाइदा पुग्छ । प्याज खानाले पाचन पकृयामा राम्रो काम गर्ने र शरिरको तापक्रम नियन्त्रन गर्न सहयोग पुराउछ । लस्सी, पुदिना, भिटामीन ए र सि भएका हरियो तरकारी, नरिवल पानी, कागती पानी, फलफुल जुस , एनर्जी ड्रिकस खानाले शरीरलाई गर्मीबाट बचाउन सकिन्छ ।
गुलाबको पात राखेको पानीले अनुहार सफा गरे अनुहारको छाला नरम हुनेछ । नीम र तुल्सीको पेष्ट लगाउदा पनि रामे हुन्छ । बाहिरबाट आएको केही समयपछि मुल्तानी माटीको लेप लाउनाले पनि फाइदा पुग्ने विभिन्न संचारमाध्यमहरुले जनाएका छन् ।
