कोरियामा गर्मीले ६ जनाको मृत्यु
फोनिज कोरिया संवादाता
सउल ,
दक्षिण कोरियामा गर्मीले हालसम्म ६ जनाको ज्यान लिएको कोरियन संचारमाध्यमले जनाएको छ । कोरियाको तापक्र ३५ डिग्री सेल्सीयस भन्दा माथि हुन थालेपछि सरकारले गर्मी लहरको चेतावनी सार्वजनिक गर्दै सुरक्षित रहन आवहान गरेका छन् ।
गत बुधबार बुसानमा ५३ वर्षिय पुरुष मदिरा सेवन गरी कारमा सुती रहेकैबेला मृत भेटिएको छ । दिनको मध्यन्नमा कार भित्र ६० देखि ७० डिग्री तापक्रम हुनसक्ने भएकाले यसैबेला पुरुषको मृत्यु भएको अनुमान प्रहरी गरेका छन् । त्यस्तै जुलाई ८ तारिख ख्यागंबुकमा ८९ वर्षिय बृद्धा खेतबारीका काम गरीरहेका बेला गर्मीकै कारण मृत्यु भएको छ ।
जुन २३ तारिख पहिलो पटक उत्तर ख्योइ०सानमा गर्मीले एक जनाको मृत्यु भएको थियो । धेरै जसो गाउँमा बसोबास गर्ने बृद्ध बृद्धाहरु दिनमा खेतवारीमा काम गर्नेक्रममा मृत्यु भएको प्रहरीले जनाएको छ । त्यस्तै गत शुक्रबार ४ वर्षिय बालक स्कूल बसभित्र गर्मीका कारण बेहोस भेटिएको थियो । विहान ९ देखि साँझ ४ बजेसम्म बसमा छोडिएका बालकको शरिरमा ४२ डिग्री तापक्र पाइएको थियो । बस चालक र शिक्षकलाई विद्यार्थिको बेवास्ता गरेको भन्दै प्रहरीले पक्राउ गरेको छ ।
हाल कोरियाको तापक्र ३५ भन्दा बढी पुगेको र राती पनि ३० डि.से. रहने गरेको मौसम विज्ञान कार्यलयले जनाएको छ । गत वर्षभन्दा एक महिना अघि नै गर्मीका कारण मनिसको मृत्यु हुन थालेको सरकारले जनाएको छ । विषेश गरी अगष्ट महिनामा हुने गर्मी यसपाली जुलाईको मध्यतिर नै हुन थालेको जनगुनासो सुनदै आएका छन् । गर्मीकै कारण २०११ देखि १५ सालसम्म ५ वर्ष भित्र ४७ जनाको मृत्यु भएको छ भने ४ हजार २ सय ३९ जना विरामी भएको तथ्यंक सार्वजनिक भएको छ ।
गर्मी बढ्न थालेपछि कोरियामा प्राय कार्यलयहरुमा गर्मी विदा दिन थालिएको छ । मानिसहरु विदाको दिन घर बाहिर निस्कन थालेका छन् । धेरे जना मनिसहरु गर्मी छल्न समुन्द्र किनार र पहाडमा पुग्ने गर्छन । बुसानको ह्यान्दे विचमा विदाको बेला एक दिनमै करिब २ लाख मानसिहरु पुग्ने गर्छन । विदाको दिन ४ लाख भन्दा बढी कार सडकमा निस्केको हाइवे निगमले जनाएको छ । त्यस्तै एसी र पंखा अध्यधिक प्रयोग भएकाले ८० लाख किलोवार्ड विद्युतको माग हुने गरेको पनि विद्युतिय विभागले जनाएको छ ।
कोरियाको दक्षिणी भेगका थेगु, ख्वांगजु , देजन, उल्सान जस्ता शहरमा र जेजु टापुमा ४० डि.से. तापक्रम पुग्न सक्ने भएकाले त्यसक्षेत्रमा कार्यरत नेपालीहरु गर्मीबाट बच्ने उपाय अपनाउनु होल ।
