म्याग्दी रनिङ कप २०१६ को खेल टाईशीट तयार, १८ टीमको सहभागिता
सोल, कोरियामा म्याग्दी घर स्थापना सहयोगार्थ म्याग्दी प्रवासी नेपाली संघ मोना कोरियाको आयोजनामा सम्पन्न हुन गई रहेको म्याग्दी रनिङ कप २०१६ को खेल टाईशीट तयार भएको छ । कूल १८ टीमको सहभागिता रहेको यस प्रतियोगिता जुलाई ३१ तारिख आईतबारको दिन राजधानी सउलको सुयु शहर स्थित खाङबुक छङसोन्यन सुर्यन ख्वान(Gangbuk sports Center) सम्पन्न हुने छ ।
आयोजनामा सहभागि हुन पुरुष भलिबल तर्फ दर्ता गराईएका टीमहरुमा युनिक भिजन ग्रुप, म्याग्दी मोना ए र बी ,स्याङजा परिवार,ठकुरी समाज,तनहुं सम्पर्क समिति,गुल्मी सम्पर्क समिति,अन्नपूर्ण दुध पोखरी समाज, बाग्लुङ सम्पर्क समिति,दुर्गा रेष्टुरेण्ट,नेपाल मगर संघ,मेची महाकाली युनाईटेड,राप्ती सम्पर्क मंच,छन्त्याल परिवार,तमुधिं,पुन समाज र अर्घाखांची सम्पर्क मंच रहेका छन । आयोजनाको पहिलो खेल ए पोलबाट म्याग्दी मोना कोरिया बी र स्याङजा परिवार बिच प्रतिष्प्रर्धा हुने छ भने दोश्रो खेल बी पोलबाट दुर्गा रेष्टुरेण्ट र नेपाल मगर संघ बिच दोश्रो प्रतिष्प्रर्धा हुनेछ ।
मोना कोरियाका अध्यक्ष लोक बहादुर बानियाका अनुसार आयोजनामा उपस्थित दर्शकहरुलाई मनग्य मनोरन्जन प्रदान गर्न म्याग्देल सालेजोमा नृत्य प्रर्दशन लगायत मिष्ठान्न खानाका परिकारहरु पस्कने तयारी भई रहेको छ । यस प्रतियोगितामा महिला भलिबल तर्फको टीम दर्ता भने आयोजना स्थलमै गरिने भएको छ । ठीक बिहान १० बजे देखि पहिलो खेल शुरु गरिने भएकोले उल्यखित टीमहरु समयमै उपस्थिति भै दिनु हुन हार्दिक अनुरोध गरिएको छ ।
