ग्वाङजुबाट मिल्ती आयोजनामा ५१ लाख आबेदन

राजु श्री
ख्वान्ग्जु-सानो मिल्ती खोला बिद्युत आयोजनामा लगानी गर्ने उदेश्यले स्थापना भएको सानो मिल्ती (एस एम ) इन्भेस्टमेन्ट कम्पनिले शेयर आह्वान गरेको  अन्तिम दिन आइतबार छल्लानाम्दो ग्वाङजुबाट ५१ लाख रुपैयाको शेयर आबेदन परेको छ |

यहि अप्रिल १९ तारिक आइतबारका दिन ख्वान्ग्जुमा अनौपचारिक रुपमा आयोजना गरिएको नयाँ बर्ष शुभकामना आदान प्रदान  तथा मनोरन्जनात्मक कार्यक्रममा उपस्थित नेपाली युवा युबतीहरुबाट उक्त रकम बराबरको शेयर आबेदन माग गरिएको हो |

कार्यक्रममा ख्वान्ग्जुमा रहेका नेपालीहरुलाई नयाँ बर्ष २०७२ सालको शुभकामना दिदै सानो मिल्ती बिद्युत आयोजनाका संचालक सदस्य सुरेश सुब्बाले लगानी  ,परियोजना र प्रतिफलका बारेमा प्रकाश परेका थिए |

उल्लेख्य रुपमा प्रबाशी नेपाली हरुको उपस्थिति रहेको उक्त कार्यक्रममा नया बर्षको शुभकामना  आदान प्रदान संगै अधिकांश युवा युवती सानो मिल्ती बिद्युत आयोजनामा लगानी गर्न उत्साहित देखिन्थे |

प्रवासमा दुख गरेको पसिनालाई प्रतिफलयुक्त सहि र सुरक्षित ठाउमा लगानी गर्न पाउँदा खुशी लागेको छिनामखु भोजपुरकि सुभद्रा राइले बताइन |

अबका दिनमा प्रबासबाट नाफामुलक क्षेत्रमा लगानी गर्दै आफ्नो भविष्यको पनि सुरक्षित गर्ने र देश बिकासको लागि आफू पनि अंशियार बन्ने भनेर सानो मिल्ती खोला बिद्युत आयोजनामा शेयर आबेदन दिएको दोलखा बीसी सम्पर्क मन्च द. कोरियाका उपाध्यक्ष पसाङ नोर्बु शेर्पा बताउन्छन् |

बिद्युतको आबश्यकता र महत्व हामीले काम गर्ने कोरियाका कम्पनीहरुमा हेरेर लगानीमा मनन गर्नुपर्ने नेपाल सामुदायिक समिति ख्वान्ग्जुका बरिष्ठ उपाध्क्ष्य सन्तोष पराजुलीको सुझाव थियो |
परियोजनाको लागि हाल सम्पूर्ण कानुनी प्रक्रिया सकिएको र यहि आउदो कार्तिक महिना बाट नै कन्ट्रक्सन को काम शुरू गर्ने आयोजक पक्षले जनाएको छ | उपयुक्त भूगोल , मुआब्ज कम र स्थानीयको पूर्ण सहयोगको प्रतिबद्दता का कारण  परियोजना मा लागत समेत कम परेको र निर्धारित समयमा नै कार्य सम्पादन गरेर उत्पादित बिद्युत केन्द्रिय प्रशारण लाइनमा जोडिने संचालक समितिका सदस्य देबेन्द्र सम्बाहाम्फेले बताए |

ग्लोबल नेपाली इन्भेस्टमेन्ट (जि एन आइ ) ले प्रबर्दन गर्न लागेको उक्त आयोजनाको क्षमता ३ मेगावाट रहेको छ | कुल ४५ करोड रुपैयाँको लागतमा बन्न लागेको यो आयोजनाको ७० प्रतिशत लगानी एनएमबी बैंकले गर्ने सम्झौता भैसकेको र अप्रिल १९ सम्म   कोरियामा रहेका नेपालीहरुबाट १८  करोड रुपैया बराबरको लागि शेयर आबेदन परिसकेको संचालक पक्षले जनाएको छ | आउदो कार्तिक महिनाबाट कन्ट्रक्सन शुरु गरेर २ बर्ष ६ महिना भित्र काम सक्ने बित्तिकै उत्पादित बिद्युत केन्द्रिय प्रशारण लाइनमा जोडिने र उत्पादन शुरु भएको मिति बाट ५ सम्म २० प्रतिशत र २५ बर्ष सम्म ६० प्रतिशत लाभांश वितरण गर्ने कम्पनीले जनाएको छ |