विश्वको टप सेभेन अक्टोगोन क्लबमा सउल साँझ हुने
कोरियन नयाँ बर्ष सलनालको अवसर पारी नेपकोर (नेपाल कोरीया )ले यही फेब्रुअरी ४ तारिख सोमबार सउल साँझको आयोजना गर्दैछ । सउल साझमा विशेष प्रस्तुति दिनका लागि स्वप्न सुमन दक्षिण कोरिया आउदैछन् । उनी नेपाली युवायुवतीमाझ निक्कै चर्चित छन् । कोरियामा रहनुहुने धेरै नेपालीले युवा गायक स्वप्न सुमनको प्रस्तुति हेर्न चाहनुभएको छ । त्यसैले हामीले उनलाई सउल साझका लागि पहिलो पटक कोरिया ल्याउदैछाै । नेपकोरकाे भनाइ छ ।
सउल साझमा युवा पप गायक स्वप्न सुमनसंगै दक्षिण कोरियाका चर्चित नेपाली डिजेहरु डिजे NOTTY, डिजे BIT र महिला डिजे SYNले थप मनोरंजन दिने नेपकोरले जनाएको छ । साथै अक्टोगोन क्लबकै कोरियन महिला डिजे CREAM र डिजे RXले नेपाली युवायुवतीलाई भरपूर मनोरञ्जन दिने नेपकोरको भनाई छ ।
विश्वका चर्चित क्लब मध्येमा पर्छ अक्टोगोन क्लब । विश्वमा चर्चित क्लबहरुको चार्टमा यो क्लब सातौ स्थानमा छ । यो क्लब सउलको भि आइ पी एरिया गांगनाममा छ । यसको डिजाइन आकर्षक छ साथै क्लबको साउण्ड सिस्टम, लाइट, ठूलो एलइडी स्क्रीन जस्ता सुविधाले यो क्लब चर्चित छ । त्यसैले अन्र्तराष्ट्रियस्तरको यस क्लबमा आई सउल साझ भव्य बनाइदिन अायाेजकले आग्रह गरेकाे छ ।
नेपकोरले इंटरनेशनल क्लब भएको कारणले गर्दा बिदेशीहरू पनि आउन सक्ने भन्दै नेपाल भ्रमण बर्ष २०२० को लोगो समेत टिकटमा राखी नेपाल घुम्न जान प्रोत्साहन गरिने जनाएको छ ।
कार्यक्रम ९ बजेबाट सुरू हुने र क्लबमा जानेहरुका लागि सवारी साधनको व्यवस्था गरिएको छ। उक्त डान्स पार्टीको टिकट दर कोरियन वन २५,००० र अनलाइन टिकेटिंग पनि उप्लब्ध गरिएको छ जसको दर कोरियन वन २०,००० रहेको छ।
