कोरियाबाट राहत कोषमा ६ करोड रुपैयां जम्मा
फोनिज कोरिया सम्वादद
सोल, सोलस्थित नेपाली राजदूताबासले दोश्रो चरणको आर्थिक सहयोग रकम नेपाल पठाएको छ । गत बैशाख १२ गते गएको भूकम्पबाट पीडित परिवारको सहयोगका लागि कोरियन सहयोगदाता र कोरियामा बिभिन्न पेशा र ब्यवसाय गरेर बसेका नेपालीहरुबाट प्राप्त ५ करोड १० लाख रुपैयां रुपैयां मंगलबार प्रधानमन्त्री दैवीप्रकोप राहत कोषमा जम्मा गरेको हो ।
दोश्रो चरणको रकम कोरियका सरकारी निकाय,नगरपालिका, उद्योग, परोकारी संस्था तथा समुदायबाट ४ करोड रुपैयां र नेपाली समुदायबाट १ करोड रुपैया दूतावासको ‘महाभूकम्प उद्धार राहत कोष’ मा पनि जम्मा भएको उपनियोग प्रमुख राजाराम बर्तौलले जनाए । कोरियन समुदायबाट आएको रकम मध्ये कोरिया हाइड्रो तथा न्युक्लियर कम्पनि १ करोड रुपैयाँ, कोरियन एक्जिम बैंकबाट ५० लाख, थेगुस्थित अवैतनिक कन्सुलर डा यूनको सकृयतामा संकलित ५० लाख र अन्यबाट २ करोड रुपैयां जम्मा भएको हो ।
बिनाशकारी भूकम्पबाट नेपाली धनजनको अकल्पनीय क्षति भएपछि कोरियाका लागि नेपाली राजदूत कमानसिंह लामाले उपनियोग प्रमुख बर्तौलाको संयोजकत्वमा ‘महाभूकम्प उद्धार राहत कोष’ स्थापना गरेका थिए ।
दूतावासले पहिलो चरणको सहयोग गत शुक्रबार १ करोड ८२ लाख रुपैयांसहित २ सय थान टेन्ट, पन्जा, ९ सय थान कम्बल,चाउचाउ, औषधि तथा अति आवश्यक ९ टन सामग्री प्रधानमन्त्री दैवीप्रकोप राहत कोषमा जम्मा गरेको थियो । दूतावासले सहयोगदाताहरुको नाम र विवरण केहि दिनपछि राजदूतावासको वेब साईटमा अद्यावधि गरिने पनि जना एको छ ।
भूकम्प पीडितका सहयोगका लागि हाल पनि कोरियन नागरिक तथा विभिन्न पेशा, ब्यवशाय गरी बसेका नेपालीहरुबाट नगद तथा राहत सामाग्री प्राप्त हुने क्रम जारी रहेको जनाउदै दूतावासले यस दुखद र जटिल परिस्थितिमा सहयोग प्रदान गर्नु शुभेच्छुकहरुप्रति आभार प्रकट गरेको छ ।
त्यसै गरी वालवालिकाहरुको लागि पाश्चराईज्ड दूध करिव १७ टन, ग्वाङ्गजु ईन्स्टिच्यूट अफ साईन्स एण्ड टेक्नोलोजीबाट प्राप्त भएको १ सय थान स्मार्ट फोन र १० थान वाईपाई क्याथे प्यासिफिक एअरको सौजन्यमा काठमाण्डौ पठाउने प्रकृयामा रहेको दूतावासले मंगलबार जारि गरेको प्रेस बिज्ञप्तिमा जनाईएको छ ।