एनसिसिलाई निर्णय फिर्ता लिन जनजाती महासंघ कोरियाको दबाब
जीबी लामा
सोल – आदिबासी जनजाती महासंघ दक्षिण कोरियाले चुसक कार्यक्रम बाडफाडमा तामाङ संघमाथि भएको विभेदकारी निर्णयलाई फिर्ता लिन नेपाली सम्पर्क समिति ( एनसीसी) लाई दबाब दिएको छ ।
सोलको दोंगदेमुनमा जनजाती महासंघका अध्यक्ष चित्र बहादुर मोक्तानको अध्यक्षतामा बसेको ११ जातीय संगठनको प्रमुख सहितको बृहत भेलाले चुसक कार्यक्रम बाडफाडमा तामाङ् संघले साँस्कृतिक कार्यक्रम गर्न पाउनु पर्ने निर्णयलाई कार्यान्वयन गर्न एनसीसीलाई दबाब दिएको हो । साथै निर्णय फिर्ता नलिए एनसीसी संगको कार्यगत एकता तोडदै जनजाती महासंघमा आबद्ध जातीय संस्थाहरुलाई लिएर अगाडी बढ्ने चेतावनी दिएको छ ।
उक्त भेलामा ११ ओटा जातीय संस्थाका अध्यक्ष, प्रतिनिधि तथा सल्लाहकार हरुले एनसिसिको कार्यक्रम बाडफाड पछी उत्पन्न परिस्थितिको बारेमा छलफल गर्दै , महासंघलाई आगामी दिनमा कसरि अगाडी बढाउन सकिन्छ भन्ने बिषयमा आ-आफनो धारणा राखेका थिए । सहभागी अधिकाँशले जनजाती माथिको यो अवहेलना सहेर बस्न नहुने बताउँदै एनसीसी संगको कार्यगत एकता तोड्दै सम्पूर्ण जातीय संगठनलाई लिएर अगाडी बढ्न नेतृत्वलाई दबाब दिएको छ । साथै तामाङ् संघको साँस्कृतिक कार्यक्रम भव्यताका सफल पार्न सम्पूर्ण जातीय संस्थाले भरपुर सहयोग गर्ने एक्यबद्धता जनाएका थिए ।
महासंघको बृहत भेलामा निबर्तमान अध्यक्ष भक्त सेरचन, सल्लाहकारहरु लक्ष्मी गुरुङ , जुनु गुरुङ , लोचन राई , अमृत राई लगाएत ११ ओटा जातीय संस्थाका अध्यक्षमा तमु धिका प्रदिप गुरुङ , मगर संघ कोरियाका अध्यक्ष खड्ग थापा मगर, किरांत याक्थुम चुम्लुंगअध्यक्ष सन्तोष लिम्बु , थकाली सेवा समाजका अध्यक्ष भरत तुलाचन , तामाङ् संघ कोरियाका अध्यक्ष उईना सिं तामाङ् , किरात राई यायोख्या उपाध्यक्ष बाल कृष्ण बान्तवा , छन्त्याल परिवारका अध्यक्ष अमर छन्त्याल , थारु कल्याणकारी सभाका सदस्य शिब शंकर थारु , भुजेल समाज कोरियाका सचिब भेषराज भुजेल , फोनिज कोरिया लगायत अन्य जातीय संगठनको प्रतिनिधिहरुको सहभागी रहेको थियो ।
