कोरियामा एक नेपालीको मृत्य
सज्जनकुमार सिंह
सोल-६ बर्षअघि ईपियस मार्फत कोरिया आएर अवैधानिक रुपमा काम गर्दै आएका कास्की लेखनाथ १२ का ३५ बर्षिय भवीश्वर गुरुङको आइतबार बिहान ५ बजे निधन भएको छ ।
शनिवार साझ बाहिर घुम्न निस्केर राति कोठामा फर्किएका गुरुङ सुतेको केहिबेरमा श्वास प्रश्वासमा समस्या भएपछि ऊनिसंगै कार्यरत साथिहरुले अस्पताल पुर्याएका थिए ।अस्पताल पुर्याएको ३० मिनेटमा गुरुङको मृत्यु भएको अस्पताललाई उदृत गर्दै उनिसंगै कार्यरत सहकर्मि हेमराज पौडेलले बताए ।
आनसान स्थित छजाङ छङइल नामक गाडिको पार्ट बन्ने कम्पनिमा एक हप्ताअघि बाट काम गर्न सुरु गरेका थिए ।
१२ जना अन्य नेपाली समेत कार्यरत उक्त कम्पनी आएको एक हप्ता बित्न नपाउदै उनको ज्यान गएको हो । उनको मृत्युबारे प्रहरिले अनुसन्धान गरिरहेको छ । मृतक गुरुङ २००९ मा कोरिया आएका थिए । मृतककको १ छोरा, एक छोरि र श्रीमती रहेको पनि सहपाठि साथिले जानकारि दिए ।
आइतबार बिदाका कारण दुताबासमा पनि सम्पर्क गर्दा कुनै सम्पर्क हुन् सकेन | अबैधानिक कामदार भएकोले कम्पनि र उनलाई बोलाउने साथिलाई समेत समस्या पर्ने गरेको छ ।
केही दिनअघि मोटरसाइकल दुर्घटनामा मृत्युभएका एक जना अबैधानिक नेपाली कामदारको शब नेपाल पठाउन समस्या भएपछि यहाँ कार्यरत नेपाली संघसस्थाले सहयोग अभियान थालेका छन । अबैधानिक कामदार निधन भएमा कोरियन सरकार मृतकलाइ नेपाल पठाउन सहयोग गर्दैन । मृतकको शब पठाउन कोरियन एक करोड वन लाग्ने बताईन्छ ।
