नवयुगको हृयाट्रिकसंगै नेपाल सागको फाईनलमा
सोल – भारतको गुवाहटीमा जारि १२ औं साग अन्तर्गत पुरुष फुटबलको सेमिफाइनलमा नेपालले माल्दिभ्सलाई ४ -३ ले पराजित गर्दै फाईनलको यात्रा तय गरेको छ । खेलको १५ औं मिनेटमा अन्जन बिष्टले गोल गर्दै नेपाललाई अग्रता दिलाएका छन् । ३६ औं मिनेटमा नवयुग श्रेष्ठले गोल गर्दै अग्रता दोब्बर पारेका थिए |
पहिलो हाफ २ -0 ले पछाडी रहेको माल्दिभ्स दोस्रो हाफमा लयमा देखियो | माल्दिभ्सले खेलको ५१ औ मिनेट गोल गर्दै गोलको दुरी कम गर्यो | ६५ औँ मिनेटमा नेपालका कमल श्रेष्ठ दोहोरो पहेँलो कार्ड पाएर बाहिरिए पछि नेपाल थप दबाबमा पर्यो |
खेलको ८५ औं मिनेटमा माल्दिभ्सले गर्दै २–२ को गर्न सफल भयो । निर्धारित ९० मिनेट समयमा थप गोल हुन् नसके पछि खेल अतिरिक्त ३० मिनेटको समयमा धकेलियो |
अतिरिक्त समयको २४ औ मिनेटमा माल्दिभ्सले गोल गर्दै अग्रता लिन पुग्यो | थप समयको २७ औ मिनेटमा नवयुग श्रेष्ठले गोल गर्दै नेपाल ३ – ३ को बराबरीमा ल्याउन सफल भए | त्यसको लगत्तै नवयुगले अर्को गोल गर्दै नेपाललाई नाटकीय जित दिलाए | अब नेपाल भारतसंग फाईनल खेल्नेछ |
