अबको दुई हप्तामा भद्रगोल दर्शकले हेर्न पाउनु हुन्छ – कुमार कट्टेल (जिग्री) हास्य कलाकार

शुरुमा मेरी बास्सैबाट अभिनय यात्रा थालेका कुमार कट्टेल ( जिग्री) पछिल्लो चरण छोटो समय चर्चित हुन् पुगेको नेपाली टेलिसिरियल भद्रगोलका मुख्य कलाकार हुन् | मेरी बास्सै पछि सिस्नु पानी झ्याम्म नामक टेलिसिरियलको १८ औ भागसम्म निर्माण गरे पनि बिचैमा विविध कारणले बन्द हुन् पुग्यो | त्यस पछि भद्रगोल निर्माण गरे पछि जिग्रीलाई पछि फर्केर हेर्नु परेको छैन | एक स्टेज कार्यक्रमको शिलशिलामा कोरिया आएको बखत फोनिजकोरियाका लागि निश्चल काउचाले कट्टेलसंग गरेको कुराकानी :-
अहिले केमा ब्यस्त हुनुहुन्छ ?

 

 

 

अहिले सिरियल बाहेक बिभिन्न ठाँउमा हुने मेला महोत्सव सहभागी भईराखेका छु |  फिल्मको  स्क्रिप्ट पनि बनाईराखेका छौ | त्यस बाहेक समाजसेवा लगायतका कामहरुमै ब्यस्त छु |
भद्रगोल बिचैमा बन्द भो के कारण होला ?

 

 

 

भद्रगोल बन्द भएको होईन | अहिले धेरैतिर सोधिने प्रश्न पनि यहि हो | रोकिएको मात्र हो | अलि लामो समयसम्म रोकिए पछि बन्द भो भन्ने बुझाई छ | बास्तवमा भद्रगोल रोकिएको हो | देशको विषम परिस्थिति भुकम्प , नाकाबन्दीले गर्दा उद्योग धन्दा , ब्यापार फस्टाउन सकेका छैनन् | यस कारण केहि समय रोकिएको हो |
त्यसो भए भद्रगोल अब कहिले देखि सुचारु हुन्छ ?

अब ढिलोमा दुई हप्ता | हामी कोरियाबाट फर्केको लगत्तै दर्शकहरुले पहिलेकै अवस्थामा भद्रगोल हेर्न पाउने हुनेछ |

 

 

 

नेपालमा हास्य कलाकार जिउन सक्ने अवस्था छ कि छैन ?

सिरियल मात्र खेलेर बाच्न एकदमै गाह्रो छ | यस्तै देश विदेश हुने स्टेज कार्यक्रम र मेला महोत्सवहरुमा जान सकेको खण्डमा सजिलो छ | सिर्जनशील कलाकार हुन् सकेमा त्यति गाह्रो छैन जस्तो लाग्छ |

 

 

 

शुरुमा मेरी बास्सैमा खेल्नु हुन्थ्यो पछि सिस्नु पानी झ्याम्म र भद्रगोलमा आउनु भो | मेरी बास्सै छोड्नुको कारण ?

 

 

 

मेरी बास्सै खेल्दा खेल्दै म स्कटल्याण्डमा पढन गए | त्यस पछि ग्यापिङ भयो | फर्केर आईसके पछि मेरी बास्सैमा खेलको भए म मेरी बास्सैको कलाकार हुन्थे होला या धुर्मुस मेरो दाई भएको कारण जिग्री आफ्नो दाईको कारण हास्य क्षेत्रमा आयो भनेर आरोप लाग्थ्यो होला | मलाई म पनि सक्षम छु | छुट्टै गरेर पनि स्थापित हुन् सक्छु भनेर प्रमाणित गर्नु थियो | यसर्थ मैले केहि साथीहरुसंग मिलेर भद्रगोल बनाएको हु  | सफल पनि भए |
नेपाली चलचित्रमा अफर आए अभिनय पनि गर्नु हुन्छकी?
बीचमा ४/५ वटा चलचित्रमा अफर आए | म सिरियलमा बिजी भए |  राम्रो स्क्रिप्ट र टिम भेटिए न अभिनय गर्ने हो |हाम्रो  भद्रगोल टिमले स्तरिय हास्य नेपाली चलचित्र बनाउदै छ | चाडै नै नेपाली दर्शक सामु हामीले हास्य फिल्म लिएर आउदैछौ |

 

 

 

तपाईहरुको  नयाँ फिल्म कहिलेसम्म दर्शकले हेर्न पाउछन ?
हामीले २०७३ सालको दशैँसम्म प्रदशन गर्ने गरि तयारि गरि रहेका छौ |
हास्य व्यंग क्षेत्रमा आउन चाहने युवा पिढीलाई के भन्नु हुन्छ ?

 

 

 

हास्य व्यंग क्षेत्र एकदमै फराकिलो क्षेत्र हो | यसमा धेरै अप्सन ढोकाहरु खुला छन् | हामीहरुले पनि धेरै स्ट्रगल गरेर आएका हौ | हामी भन्दा धेरै अग्रजहरु हुनुहुन्छ | उहाँहरुले बनाएको बाटोमा हिडेका हौ | तपाईहरु पनि आउनुस स्वागत छ तर सिकेर आफुलाई माझेर आउनुस हाम्रो सहयोग र सपोर्ट सधै रहने छ |

 

 

 

शुरुमा पाँडे र जिग्रिको जोडी कसरी बन्यो ?

 

 

 

हामीलाई भेटाई दिने कान्तिपुर हाप्ताहिक पत्रकार बिदुर खतिवडाजीले भेटाई दिनु भएको हो | उहाँलाई म सम्झिन चाहन्छु | त्यस पछि पाँडे र म मिलेर संगै मिलेर काम गरौ भन्यौ | पहिले सिस्नु पानी झ्याम्ममा संगै काम गर्यौ | अहिले भद्रगोलमा गरि राखेका छौ |

पहिले केही म्युजिक भिडियो पनि भयो तर पछिल्लो चरणमा अफर नआएर हो या व्यस्तताको कारण खेल्न छोड्नु भयो नी ?

पहिले केही म्युजिक भिडियो खेले | धेरैको के प्रतिक्रिया आयो भने धेरैतिर हात हाल्नु भो आफुलाई मेन्टेन गर्न जान्नु भएन भन्ने कुराहरु पनि आए मैले त्यसलाई मनन पनि गरे | मेरो व्यस्तता पनि बढ्यो अहिले नगर्ने नै भनेर बसेको छु | काम गरे पछि दर्शकहरु राम्रो प्रतिक्रिया आए त गर्ने हो | त्यसमाथि भद्रगोलमा स्क्रिप्ट लेख्नु पर्ने खेल्नु पनि पर्ने भएको कारण पनि समय दिन सकिन |

 

 

कोरियाको पहिलो प्रस्तुति कस्तो लाग्यो |

 

 

 

एकदमै खुसि लागेको छ | धेरै नेपाली दाजु भाई र दिदी बहिनीहरु आउनु भएको रहेछ | उहाँहरुले जुन सपोर्ट गर्नु भो माया गर्नु भो | विदेशमा बसेर पनि भद्रगोललाई यति धेरै माया गर्नु हुदो रहेछ हामीलाई खुसीको कुरा हो |
हास्य कलाकारलाई दर्शकलाई हसाउन कतिको गाह्रो हुन्छ ?

हास्य विधा भनेको एकदमै गाह्रो विधा हो | अभिनय विधामा नौवटा रस हुन्छन त्यस माथि यो हास्य विधा एकदमै गाह्रो विधा हो | सामुन्ने बसेको दर्शकलाई हसाउनु भनेको चानचुने कुरा होईन | त्यसको लागि तयारी दर्शकको मनस्थिति हेरेर अभिनय गर्नु पर्ने हुन्छ | कोही घुमाउरो पारामा व्यंग गर्दा बुझ्दैनन र हास्दैनन भने केही दर्शकहरु बौद्धिक दर्शकहरु पनि हुन्छन | हास्य कलाकारले कति म्यासेज दियो बनेर मुल्याङकन गरिराखेका हुन्छन | समग्रमा सबैलाई हसाउन पक्कै सजिलो छैन | यो च्यालेन्जको बिषय हो |
अन्त्यमा केही भन्न चाहनु हुन्छ ?

 

 

 

यो मेरो पहिलो कोरिया भ्रमण हो | विदेशमा बसेर पनि भद्रगोललाई माया गर्ने धेरै दर्शक हुनुहुदो रहेछ खुसि लाग्यो | भद्रगोललाई यसरी माया गरि दिनु होला | हेरेर प्रतिक्रिया दिनु होला | विदेशमा बसे पनि नेपाली कला सस्कृति नभुल्नु होला | सधै माया गर्नु होला भन्दै फोनिजकोरियालाई बिशेष धन्यवाद दिन चाहन्छु |