काभ्रे सम्पर्क समितीको बृहत् भेला सम्पन्न
सोल/कोरिया-काभ्रे सम्पर्क समितीको बृहत् भेला गत फेब्रुअरी ८ तारिक सउलमा सम्पन्न भएको छ। कोरियाबासी काभ्रेलीहरुको उल्लेख्य उपस्थितिमा भएको भेलाले आगामी दिनमा सम्पर्क समितिलाई थप मजबुत तथा प्रवाशी भुमिमा अझै प्रभावकारी बनाउने अबधारणा सहित बृहत् काभ्रेली एकता अभियान संचालन गर्ने भएको छ।
संरक्षक मनमहेश भुजेलको प्रमुख आतिथ्यमा सम्पन्न उक्त कार्यक्रमा समितिको सल्लाहकार,तथा सँस्थामा लामो समय योगदान गर्नुहुने अशोक मैनाली, देब तामाङ,प्रकाश अधिकारी लगायतलाई अतिथिको रुपमा आमन्त्रण गरिएको थियो। सँस्थाका बर्तमान अध्यक्ष गणेश तिमल्सिनाको अध्यक्षतामा भएको कार्यक्रमको संचालन सह सचिव नवराज खड्काले गरेका थिए । कार्यक्रममा सँस्थाले हाल सम्म गरेको प्रगती बिबरण तथा आगामी योजनाको बारेमा बृहत् छलफल तथा अन्तरकृया गर्यो।
उपस्थित सबैले काभ्रे सम्पर्क समितिले माहाभुकम्प ,सुदिप रावत सहयोग संकलन,जिल्लाका स्वास्थ, शिक्षा, जनचेतना लगायतका क्षेत्रमा गरेको कामको खुलेर प्रशंसा गरे । सँस्थाको उद्देश्यनै कोरिया बासी काभ्रेलीको दुख सुखमा साथ दिनु र सकेको सहयोग जिल्ला सम्म पुर्याउनु हो यहि कार्ययोजनामा केन्द्रीत रहन सस्थाका संरक्षक मन महेश भुजेलले आग्रह गरे ।
सँस्थाका अध्यक्ष गणेश तिमल्सिनाले आर्थिक प्रतिबेदन राख्दै यो बर्ष ३ करोड भन्दा बढी कोरियन वन संस्थाले संकलन र बितरण गरेको जानकारी दिदै, आगामी योजना समेत प्रस्तुत गरेका थिए । सल्लाहकार अशोक मैनाली र देब तामाङ लगायत अन्य बक्ताहरुले सस्थाको उन्नति र प्रगतिको कामना गर्दै आ आफ्नो क्षेत्रबाट सक्दो सहयोग गर्ने वचन बद्द्ता ब्यक्त गरे।
उपाध्यक्ष सिताराम तिमल्सिना र सदस्यहरु चेत प्रसाद खरेल, सानूकान्छा वाईवा लगायतले आ-आफ्नो धारणा राख्दै क्षेत्रीय समिती गठन तथा सदस्यता बितरणआदि कुरामा सबैले मिलेर लाग्न जोड दिए। यस अधि बुसान साखा गठन गरेको काभ्रे सम्पर्क समितीले चाँडै कोरियाका अन्य सहर हरुमा समेत क्षेत्रीय समिती गठन र सदस्यता बितरणमा जोड दिनुपर्ने भन्दै कोरियाबासी काभ्रेली हरुलाई एक हुन सस्थाका सचिव गोबिन्द गौतमले अपिल गरे। सोहि अवसरमा नव आगन्तुक साथिहरुको परिचय संगै सँस्थाको रिक्त पदपुर्ती समेत गरेको छ।
