कोरियाको चिसो मौसम सेतीमादी सांगीतिक सौगातले ततायो ( फोटो फिचर सहित )

सोल – कोरियाली चाड सलनालको अवसर तनहुँ सम्पर्क समिति दक्षिण कोरियाले तनहुँ जिल्लाको पिछडिएका क्षेत्रहरुमा स्वास्थ्य र शिक्षामा सहयोग गर्ने उदेश्यका साथ आयोजना गरेको ” सेतीमादी सांगीतिक सौगात” कार्यक्रममा नेपालबाट आएको ख्याति प्राप्त कलाकारहरुले भरपुर मनोरन्जन दिलाएका थिए |

गत फेब्रुवरी ८ तारिख जोङनो ओ गा स्थित वेक्छुनेन्गीनेम्ख्वानको हलमा भएको कार्यक्रममा श्रम सहचारी अनिल गुरुङको प्रमुख आथित्यमा कोरिया रहेका बिभिन्न संघ संस्थाक प्रतिनिधिहरुको उपस्थिति रहेको थियो |

जव स्टेजमा राष्ट्रिय भावनाको ”चम्पा चमेली” बोलको गीत लिएर लोक दोहोरी गायिका सम्झना लामिछाने मगर देखा परिन | दर्शकहरु प्लोरमा कम्मर मर्काउन थाले |उनीले आफ्ना लोकप्रिय गीतहरुले उपस्थित दर्शक भरपुर मनोरन्जन दिलाएकी थिईन |

त्यस पछि लगत्तै देखा परेकी अहिलेकी सुगम संगीत आफ्नो छुट्टै स्थान बनाईसकेकी मेलिना राईले आफ्ना हिट सुनाएकी थिईन |

निकै छोटो समयमा नेपाली दर्शक माझ लोकप्रिय हुन पुगेको नेपाली टेलिसिरियल भद्रगोलका पाँडे ( अर्जुन घिमिरे) जिग्री ( कुमार कट्टेल) ले उपस्थित दर्शकलाई पेट मिचिमिची हास्न बाध्य पारे | उनीहरुले समयसायिक बिषयमा तिखो व्यंग गरेका थिए |

उसो त अहिले चर्चित लोक दोहोरी गायक रामजी खाँणले पनि उत्तिकै दर्शक तताएका थिए | पप गायक सुगम पोखरेल स्टेजमा देखिदा छुट्टै माहोल पैदा भएको थियो | उनले आफना हिट गीतहरु ‘ फेरि त्यो दिन ‘ , कति दिन बिते ‘ , मनको दैलो’ लगायतका गाउदा आयोजकलाई दर्शक सम्हाल्न हम्मे-हम्मे परेको थियो | कार्यक्रमको बिच- बिचमा स्थानिय कलाकारहरुको पनि दमदार नृत्य रहेको थियो |