भोजपुर परिवारको चिट्ठा तथा बाबू बोगटीलाई सम्मान कार्यक्रम सम्पन्न
गणेश आले
सोल – भोजपुर परिवार दक्षिण कोरियाले आयोजना गरेको भाग्यशाली चिट्ठा को नतीजा सार्वजनिक गरेको छ।जस अनुसार प्रथम पुरस्कार सुष्मिता राई चिट्ठा नं ०००४४९ लाई परेको छ।
भोजपुर जिल्लाको भूकम्प र वाढि पिडितहरुलाई सहयोग गर्ने उद्देश्यले रकम संकलनको लागी आयोजना गरिएको उक्त भाग्यशाली चिट्ठाको द्वितीय पुरस्कार कमल पुन चिट्ठा नं ००१५८२,तृतीय पुरस्कार जुनु गुरुंग चिट्ठा नं ००२१९९ र सान्तवना पुरस्कार क्रमस मानसिं गुरुंग चिट्ठा नं००१२८८,जोसेव मगर चिट्ठा नं ०००३२३ र अञ्जन श्रेष्ठ चिट्ठा नं ०००९३६ लाई परेको छ।
चिट्ठा पर्ने भाग्यशाली महानुभवहरुलाई एक महीना भित्र मा आफ्नो परिचय पत्र र चिट्ठाको अर्द्धकट्टी सहित पुरस्कार दावी गर्न अनुरोध गरेको छ।एक महीना सम्म पुरस्कार दावी नगरीए आयोजक पुरस्कार दिन वाध्य नहुने पनि जनाएको छ।
चिट्ठा कार्यक्रम कोरियाको इतिहासमै ऐतिहासिक रुपमा सफल भएको भन्दै संस्थाले टिकट सौजन्य गरिदिनुहुने रविन तामांग र आर्थिक सहयोग गर्नु हुने ओम नारायण जुग्जाली मगरलाई विशेष धन्यवाद ज्ञापन गरेको छ।साथै टिकट विक्री वितरण गर्ने र अन्य सवै प्रकारको सहयोग गर्ने सवैलाई धन्यवाद ज्ञापन गरेको छ।विपदमा परेकोहरुलाई सहयोग गर्ने पवित्र उद्देश्यले चिठ्ठा कार्यक्रम आयोजना गरेकोले चिट्ठा किनेर पुण्य काममा सहयोग गरीदिने सवैलाई पनि धन्यवाद ज्ञापन गरेको छ।
लक्षित समुदाय सम्म चाडो भन्दा चाडो राहत पुर्याउनु पर्ने भएकोले आर्थिक हिसाव किताव पूरा गर्नको लगी चिट्ठा फिर्ता गर्न वाकी सवै व्यक्ति र संघ सस्थालाइ यथाशक्य चाडो वुझाई दिनको लागी अनुरोध गरेको छ।
यसै अवसरमा संस्थाले भोजपुरे कलाकार गायक एबं नायक वावु बोगटी लाई सम्मान गरेको छ।डायनामिक मोरंग कमिटिको सांस्कृतिक कार्यक्रममा आफ्नो प्रस्तुति दिन कोरिया आइपुगेको अवसर पारी बोगटी लाई सम्मान गरेको हो।
संस्थाको अध्यक्ष गोविन्द मगरले दोसल्ला ओढ़ाएर सम्मान गर्दै वावु बोगटी राष्ट्रिय स्तरमै ख्याति प्राप्त कलाकार भएकोले वहांलाइ सम्मान गर्नु आफ्नो कर्तव्य र गौरवको विषय भएको वताउनु भयो भने संस्थाको तर्फ वाट मायाको चिनो प्रदान गर्दै सल्लाहकार रविन तामाङले कर्म थलो जो जसले जहाँ-जहाँ वनाए पनि आफ्नो जन्म थलो भुल्न नहुने वताउनु भयो।सम्मान ग्रहण गर्दै कलाकार वोगटीले आफुलाइ भोजपुर परिवारले सम्मान गरेकोमा अत्यन्त हर्षित भएको र आगामी दिनमा कलकारिता क्षेत्र मा अझ राम्रो गर्ने हौशला मिलेको वताउनु भयो।
भोजपुरेहरुको उल्लेख्य सहभागितामा सम्पन्न उक्त दुवै कार्यक्रम संस्थाका महासचिव गणेश आले मगरले सञ्चालन गर्नु भएको थियो।
