एनसिसिले क्षेत्रिय परिषद गठन गर्न वृहत भेला र सम्मान तथा विदाई कार्यक्रम अायोजना गर्ने ।
सन् १९९३ मा स्थापना भएको एक मात्र पुरानो र गौरव वोकेको सामाजिक संस्था एनसिसिले यहि २०१६ जनवरी ३१ तारिकका दिन नेपाल हाउसमा क्षेत्रिय परिषद गठन सम्बन्धमा बृहत् भेला अायोजना गर्ने भएको छ । यसको मुख्य उदेश्य विभिन्न संघसंस्थाका प्रतिनिधिहरू संग संवाद, समन्वय, समझारी र एकता गर्दै कोरियाली भूमिमा सामाजिक गतिविधि र क्रियाकलाप प्रभावकारी ढंगबाट अघि बढाउनु विशेष भूमिका रहनेछ । एनसिसिको विधान मै स्पष्ट उल्लेख भएको वुँदाका अाधारमा परिषद गठन गरिने छ । हिजोका दिनहरू र वर्तमान समय सम्ममा यस संस्थाले गरेको राम्रा पक्षको साख जगाउन समय र सन्दर्भानुसार नौलो विषय र वस्तुलाई समेट्ने प्रयास गरिनेछ। प्रभावकारी, व्यवहारमुखि वनाउन ब्यक्ति , विभिन्न संघसंस्थाहरूको राय सल्लाह र सुझावलाई विशेष स्थान दिदै बिबिध विषय माथि छलफल हुने एनसिसिका सचिव सुन्दर लिम्बुले बताए । एनसिसिको अधिवेशन कुन ढाँचा, पद्धति र प्रणालीमा रहेर सम्पन्न गर्ने यस विषयवस्तुमा रहेर केहि हेरफेर गर्न उपयुक्त अाधारहरू खोजिनेछ । मुख्यतया यो सवैको लागि विशेष अाकर्षणको केन्द्र विन्दु हुनेछ ।
सोहि दिन कोरियाका नेपालीहरूको मन, मष्तिकमा वस्न सफल कोरियाका लागि नेपाली श्रमसहचारी अनिल गुरूङलाई एनसिसि, पत्रकार महासंघ लगायत अन्य संघसंस्थाहरूले संयुक्तरुपमा सम्मान तथा विदाई गर्ने भएको छ। यसर्थ कोरियामा रहनु हुने बिधार्थी, वुद्धिजिवि, समाजसेवि, व्यापारव्यवसायी, पत्रकार, कलाकार लगायत सम्पुर्ण नेपाली दाजुभाई तथा दिदिवहिनिहरू उत्त दिन कार्यक्रममा प्रत्यक्ष उपस्थित भई दिनु हुन नेपाली सम्पर्क समितिले हार्दिक अनुरोध गरेको छ ।
