एमटियुको अन्तरकृया तथा चियापान कार्यक्रम सम्पन्

सोल – प्रवासी मजदुर संङ्घ ( एमटियु ) कोरिया र कोरियन प्रजातान्त्रीक मजदुर महासंङ्घ (केसिटियु) को संयुक्त आयोजनामा भएको अन्तरकृया तथा चियापान कार्यक्रम “प्रवासी मजदुरहरुको समस्या समाधानमा मजदुर स्वंयमको भूमिका ” बिषयक कार्यक्रम सोलको फुल्ग्वाङस्थित एमटियु हलमा आईतबार सम्पन्न भएको हो ।

बिभिन्न १५ मूलुका हरुबाट श्रम गर्न भित्रीएका लाखौं श्रमिक तथा मजदुर हरु दक्षिण कोरियामा कार्यरत रहेका छन ।यसरी ठूलो संख्यामा रहेका मजदुर हरु कुनै न कुनै प्रकारले श्रम -शोषण , यौन -शोषण ,साथै शारिरीक तथा मानसिक यातनाको शिकारमा पर्ने गरेको पाइन्छ ।
मजदुरहरुका यस्ता बिभिन्न समस्याहरु र मजदुरका लागि अहित हुने खराब नीती नियमको बिरुद्धमा निरन्तर आवाज उठाइ सरकारलाई सन २००५ देखिनै दवाब दिँदै एमटियु कोरियाले बुँलन्द आवाज उठाईरहेको छ ।

 
एमटियुले गरेको अन्तरकृया कार्यक्रमका प्रमुख अतिथी केसिटियुका ब रिष्ठ उपाध्यक्ष ” किम जोङ इन ” ले बक्तब्यको क्रममा ” दक्षिण कोरिया सरकारले प्रवासी मजदुर हरुप्रती बिभेदको नीती लादेर सम्पुर्ण अधिकार कम्पनी मालिकको एकलौटी जिम्मामा छोडिदिएकै कारण मजदुरहरुले ठूलो शोषण सामना गर्नु परेको बताएका हुन । ” तसर्थ समस्याको जड कोरियन सरकार भएको कारण सम्पूर्ण प्रवासी मजदुरहरु एक भइ खराब नीतिको बिरोधमा नउत्रीए सम्म यस्तो समस्या अन्त्य नहुने बताए ।

 
अन्तरकृयाको औपचारिक कार्यक्रमका अतिथिहरु नेफेसो कोरियाका कार्यबाहक अध्यक्ष देवराज स्याङ्तेन , नेफिन कोरियाका अध्यक्ष चित्र बहादुर मोक्तान लगायतका सवै अतिथिहरुले मजदुरहरु एक भएर नउठेसम्म मजदुर समस्या किनारा नलाग्ने भन्दै प्रवासी मजदुरहरु नराम्रा सरकारी नीतिको बिरोधमा एक भइ लाग्नुपर्ने बताएका थिए ।

 
बिभिन्न स्थानहरुबाट कार्यक्रममा उपस्थित भएका प्रवासी मजदुरहरुले पनि आफूले भोगेका समस्या ,कम्पनीबाट पाउने तनाब ,तथा आफ्नै राष्ट्रका साथीभाइबाटै स्वयंम हेपिनुपर्ने जस्ता समस्याहरु भोग्नु परेको बताएका थिए । यस्ता समस्याहरुबाट नै पीडित भएर नेपाली मजदुरहरुको आत्महत्याको संख्या दिनानुदिन दक्षिण कोरियामा बढिरहेको समेत अन्तरकृयामा धेरै जसो महदुरहरुले आफ्नो बिचार ,अनुभव राख्ने क्रममा बताएका थिए ।

औपचारिक कार्यक्रमका सभापतित्व गरेका एमटियुका अध्यक्ष उदय राईले कार्यक्रमको समापनको क्रममा , मजदुर नीती , नियम भित्रको नराम्रो नीतीहरु र त्यसको समाधानका बिषयमा विभिन्न बुँदाहरु प्रस्तुत गर्दै कार्यक्रम समापन भएको घोषणा गरेका थिए भने , औपचारिक कार्यक्रम संचालन एमटियुका ओसान कमिटी सचिव रोशन राईले गरेका थिए ।

 
फुल्ग्वाङस्थित एमटियु हलमा दिनको २ बजे सुरु भएको कार्यक्रम ५ बजेसम्म चलेको थियो भने औपचारिक कार्यक्रम समापन पश्चात दिपावली बिषेश अवसर परेकोले एमटियु कोरियाले ब्यबस्थापन गरेको सेलरोटी साथै बिभिन्न परिकारहरुको रस्वादन पछी प्रवासी मजदुरहरु आ-आफ्नो गन्तब्य प्रस्थान गरेका थिए ।