अमेरिकामा नेपालीले दुई करोडको पसल जिते
वाशिंगटन डिसी—भर्जिनियामा बसोबास गर्दै आएका सलिल गौतमले झन्डै २ करोड (१ लाख ९० हजार डलर ) धनराशि बराबरको सेभेन-इलेवेन पसल प्राप्त गरेका छन्। आफ्ना परिवार तथा अन्य अतिथिहरुको उपस्थितिमा सलिलले उक्त सहुलियत पसल उद्घाटन गरे। अब पसलको व्यवस्थापन पूर्व अमेरिका सैनिक गैतमको हातमा अएको छ। उनी पूर्व अमेरिकी सैनिक हुन्।
उमुद्घाटन कार्यक्रममा बेलुन उडाउनुको साथै उपस्थित भएका समुदायका अभिभावक तथा बालबालिकाहरुलाई निशुल्क खानेकुरा बितरण गरिएको थियो। झन्डै १ दशकदेखि अमेरिका बस्दै आएका गौतम साढे चार बर्ष अमेरिकन सेनाको तर्फबाट ईराक र अफगानिस्थानमा समेत सेवा गरेका थिए। नेपालमा उनकाे घर झापा हो।
पसल जित्न सफल भएकोमा खुशी व्यक्त गर्दै सेसापिक शहरमा परिवार सहित बसोबास गर्ने भएकोले नरफोक शहर नजिक र पायकपर्ने बताउँदै उनले याे स्थान छनौट गरेको बताए।
अमेरिकाको सेवेन-ईलेवेन सहुलियत पसलले पहिलो पटक आयोजना गरेको भेटेरन फ्रेन्चाइज स्टोर्स प्रतिस्पर्धामा सामाजिक संजाल फेसबुक अन्तर्गत भएको प्रतिस्पर्धामा गौतम उत्कृष्ट ३ प्रतियोगीमा पर्न सफल भएका थिए।
उक्त रकम नगद नभएर पसल स्वामित्व हुने नियमअनुसार उनले पसल पाएका हुन्। पसलको स्वामित्व हस्तान्तरण हुनु अगाडि लाग्ने प्रारम्भिक स्वामित्व शुल्क सेवेन-एलेवेनलाई तिर्नु पर्ने रकम भएको बताउँदै अन्य कुराहरुमा पसल लिने धनीले लगानी गर्नु पर्ने गौतमले बताए।
अमेरिकामा १९२७ मा स्थापना भएको सेभेन-ईलेभन विश्वका ४० वटा भन्दा बढी देशहरुमा सहुलियत पसलहरु सञ्चालनमा रहेका छन्। अमेरिकामा ग्यास स्टेसन विशेष रूपमा सञ्चालित छन्।
