किम्हेमा दशैं विशेष कार्यक्रम गरिदै
किम्हे , नेपालीहरूको धेरै जमघट भइरहने किम्हे शहरमा भब्यरुपमा दशैं कार्यक्रम गरीने भएको छ। यस पटकको कार्यक्रम विशेष किसीमको हुने भएको छ। प्रतेक बर्ष गरिने दशैं कार्यक्रम अक्टोवर २५ आईतबार ठिक १ बजेबाट शुरूहुने भएको छ।
किम्हे बस टर्मीनल नजिकै रहेको ( पहिला पनी नेपालीहरूले कार्यक्रम गरिरहने) मुन्हावन हलमा हुने सो कार्यक्रम किम्हे माईग्रेण्ट हाउस दशैं कार्यक्रम आयोजक कमिटीले गर्ने भएको हो। अशोक पोख्रेलको संयोजकत्वमा बनेको आयोजक तयारी समिती विभिन्न उपसमितीमा विभाजन गरेर कामको बाँडफाँड गरिएको छ। जस अन्तर्गत साँस्कृतिक कार्यक्रम तयारी समिती( कलाकार ब्यबस्थापन) चन्द्र तामाङ संयोजक, खाना तयारी समिती संयोजक रमेश नेउपाने, टिका- जमरा,हल बुकिङ आदीको संयोजक के पी चौलागाईं, संघ- संस्था संयोजक भुवन बस्नेत,प्रचार- प्रसार ईश्वर न्यौपाने,स्वयंसेवक संयोजक सुभास लामा, पञ्चेबाजा साथै मगर नृत्य संयोजक राजकुमार आले, राई साकेला नृत्य संयोजक मिलन राई, कार्यक्रम सञ्चालक साथै अन्य ब्यबस्थापन संयोजक अनिस गुरूङ् आदी रहेकाछन्।
विदेशी भुमीमा नेपाली संस्कृती र पर्वलाई मनाउने सन्दर्भमा यो दशैं विशेष कार्यक्रम गरींदै आएको छ। यसपालीको दशैं विशेष कार्यक्रममा नेपाली पञ्चेबाजाको नृत्य, मगर समुदायको नृत्य, राई समुदायको साकेला नृत्य, सण्डे ईभिनिङ ब्याण्ड लगायत स्थानीय कलाकारहरूको वेजोड प्रस्तुती रहने भएको छ। जमरा अनि टिका लगाउने साथै खशीको मासु, सेलरोटी अनि पुलाउको स्वादले नेपालीहरूको ठुलो चार्ड दशैंको झल्को अबश्य दिने देखीन्छ।
किम्हे माईग्रेण्ट हाउसका अध्यक्ष यज्ञराज सुवेदी, किम्हे माईग्रेण्ट हाउस खेलकुद समितीका संरक्षक, समाजसेवी के वि पुनबाट कलाकार लगायत सबै नेपालीहरूलाई सहभागी भइ कार्यक्रमलाई सभ्य अनि भब्य बनाउन अनुरोध समेत गरिएको छ। विदेशी भुमीमा नेपालको परिचय दिने यो दशैं विशेष कार्यक्रम सफल बनोस्,सभ्य बनोस् अनि भब्य बनोस् यही छ कामना ।
