कोरियामा ७ बर्षे बच्चाको उपचार सहयोग अभियान

सोल-ओखलढुंगा जिल्ला वाक्सा गाविस वार्ड न.४ बस्ने खगेन्द्र राईको ७ वर्षीय छोरा सुबधन राई दुवै मृगौलामा क्यान्सर लागेर हाल शिक्षण अस्पतालमा उपचार गराइरहेका छन् |अत्यन्तै दयनीय आर्थिक अवस्था रहेको उक्त बच्चाको आमा दैनिक मजदुरीमा जान्छन भने उक्त बच्चाको कुरुवाको रुपमा फूपुले हेरिरहेका छन् भने बच्चाको बाबु खगेन्द्र अत्यन्तै न्यून तलवमा साउदी अरवमा वैदेशिक रोजगारमा छन् |

दयनीय आर्थिक अवस्थाको कारण बच्चाको उचित उपचार हुन सकिरेहको छैन |दैनिक उपचारको लागि औषधि किन्ने पैसाको अभावमा यी अवोध वालक मृत्युसंग लडिरहेका छन् | डाक्टरले अझैँ ३ वर्ष निरन्तर उपचार जारि राख्नु पर्ने जनाएका छन् | प्रार्थना गर्ने ओठ भन्दा सेवा गर्ने हात महान भने जस्तै समाज सेवाको लागि छुटै पहिचान सकेका कोरियावासी नेपालीहरुमा सहयोगका लागि ओखलढुंगा सेवा समाज कोरियाले अनुरोध गरेको छ |
समाजले १ लाख वन सहयोग गर्ने निर्णय गरेको छ समाजका सह सचिव फडिन्द्र अधिकारिको संयोजकत्वमा नरेशकुमार राई ,श्रीराम गुरुङ, दिलिप श्रेष्ठ इपिएस छिन्गु रहेको ५ सदस्यीय उपचार सहयोग समिति बनाइ सहयोग अभियान थालेको छ |

संकलित रकम समाजको प्रतिनिधि र इपिएस छिन्गुबाट हस्तान्तरण हुने जनाइएको छ | प्राप्त सहयोग रकम दैनिक अपडेट हुने संयोजक फडिन्द्र अधिकारीले बताए | आफुलाई लागेको स्वेच्छिक सहयोग रकमान्तर गरिसकेपछि ०१० ८६८७ ७१९१ मार्फत एसएम एस गरि आफ्नो नाम र ठेगाना पठाई दिन पनि समाजले अनुरोध गरेको छ | कोरियामा ३ हप्ता चलाइने यो अभियानबाट संकलित् सम्पूर्ण रकमको विवरण अनलाइन र समाजको आधिकारिक फेसबुक पेज मार्फत सार्वजनिक गरिने जनाइएकोछ |