दक्षिण कोरियाले मिसाइल परिक्षण गर्ने
सोल – दक्षिण कोरियाले ८०० किलोमिटर सम्म मार हान्न सक्ने ब्यालेस्टिक मिसाइल को परिक्षण गर्ने तयारी गरिरहेको दक्षिण कोरिया स्थित जोइन्ट चिफ अफ स्टाफका प्रमुख गेन याङ ब्युङ ही ले जानकारी दिए ।
दक्षिण कोरियाको सैन्य संगठनले, उत्तर कोरियाको निरन्तर धम्की सँगै मिसाइल परिक्षणको बिरुद्धमा आफ्नो राष्ट्रको सुरक्षाको निमित्त यस्तो योजना बनाईएको बताईन्छ ।
” हामीले दक्षिण कोरियाको हवाई क्षेत्र रक्षाको लागी दक्षिण प्रान्त “लेओदो” को बन्द डुब रक क्षेत्रमा मिसाइल परिक्षण गर्नको लागी उपयुक्त स्थान पहिचान गरिरहेका छौँ”, शुक्रबार संसदीय अडिटको क्रममा जोइन्ट चिफ अफ स्टाफका प्रमुख ही ले भने ।
दुई कोरियाबीच सीमा क्षेत्रमा फायरिङ्ग भई तनाब बढे पछी अगस्ट महिनामा दुइ कोरियाका उच्च सुरक्षा प्रमुखहरु बीच सहमती भएको थियोतर फेरी उत्तर कोरियाले चाँडै परमाणबिक हतियार मिसाइलको परिक्षण गर्ने धम्की दिएपछी दक्षिण कोरियाको सैन्य बिभागले राष्ट्रको सुरक्षालाई ध्यानमा राख्दै सरकारसँग गरेको यो अनुरोध पहिलो पटक भएको कोरिया टाइम्सले लेखेको छ ।
यस्तो लामो दूर सम्म मार हान्न सक्ने मिसाइल परिक्षण प्रस्तावले दक्षिण कोरियाली सैन्य संगठन पनि परमाणविक हतियार को बिकासमा सक्षम हुँदै गएको प्रस्ट देखिन्छ भने फेरी दुइ कोरियाबीच तनाब बढ्न सक्ने भबिश्यबाणी गर्न सकिन्छ ।
