कोरियाकी पूर्वप्रधानमन्त्रीलाई २ बर्ष जेल सजाय
सोल-दक्षिण कोरियाकी पहिलो महिला प्रधानमन्त्री हन म्याङ सुकलाई भ्रष्टाचारको आरोपमा जेल सजाय सुनाइएको समाचार छ।
कोरियाली संचारमध्यमहरुले जनाए अनुसार हिजो यहाँको सर्बोच्च अदालतले उनीमाथि लागेको उक्त मुद्दाका सम्बन्धमा यसअघिको अदालतको फैसला सदर गरेपछि उनलाई जेल चलान गर्न आदेश दिइएको हो। यो फैसलापछि अब उनलाई जेल चलान गरिने छ। सर्बोच्च अदालतको फैसलाले सदर गरिदिएको बताइएको छ।
एकहत्तर वर्षीया पूर्व प्रधानमन्त्री हन म्याङ सुकले दक्षिण कोरियामा सन् २००६ देखि एक वर्षसम्म प्रधानमन्त्रीका रूपमा सेवा गरेकी थिइन्।
करिब ७ लाख ६० हजार अमेरिकी डलर बराबरको रकम घुस लिएको आरोपमा उनलाई सन् २०१० मा नै मुद्दा परेको थियो।
उनलाई सार्वजनिक ओहदामा रहेका व्यक्तिले अवैध रकम स्वीकारेको भन्दै त्यसका लागि दुई वर्षको जेल सजाय तोकिएको छ।
उनलाई यसअघिको फैसलाका कारण स्वतन्त्र छोडिएको भए पनि बिहीबारको यस फैसलापछि जेल चलान गरिने अब पक्का भएको समाचारमा जनाइएको छ।
उनी दक्षिण कोरियाको पहिलो महिला प्रधानमन्त्री थिइन् भने जेल सजाय भोग्ने पनि उनी नै पहिलो प्रधानमन्त्री हुन्। अब उनले सांसदको पद समेत त्याग्नुपर्ने भएको छ।
