कोरियामा वुद्धिचाल प्रतियोगिता हुँदै, विजेतालाई १० लाख वन पुरस्कार

दक्षिण कोरियामा पहिलो पटक वुद्धिचाल (चेस) प्रतियोगिता हुने भएको छ। GKS कोरियाले अगस्ट ३१ तारिख किम्हेमा उक्त प्रतियोगिता आयोजना गर्न लागेको हो। प्रतियोगिताको विजेताले १० लाख वन र ट्रफी प्राप्त गर्नेछन्। द्वितिय र तृतिय हुनेले क्रमश ३ लाख वन र १ लाख वन सहित ट्रफी प्राप्त गर्नेछन्। ५० हजार वन इन्ट्री फी तोकिएको यस खेलमा अगस्ट १० देखि १६ तारिखसम्म नाम दर्ता गर्न सकिने छ।

“प्रवासमा नेपाली भाईचारा र बौद्दिक विकासमा पहल” भन्ने नाराका उक्त प्रतियोगिता गर्न लागेको आयोजकले जनाएको छ। कोरियामा रहेका नेपाली समुदायमा वौद्धिक विकास एवम मानसिक समस्यालाई कम गरि यसबाट उत्पन्न हुने दुर्घटनालाई न्युनिकरण गर्ने आयोजकको लक्ष्य रहेको छ।

GKS KOREA ले यस अघि पनि सन् २०२२ मा सबैभन्दा ठुलो घन राशिको प्रथम गिम्हे गोल्ड कप र र्यापर आशिस राना(लाहुरे) सहितको डान्स पार्टि पनि आयोजना गरिसकेको छ !
यसपटक फरक सोचका साथ कोरियामा रहेका नेपालि युवाहरुलाई बौद्दिक बिकास को हेतु राख्दै गर्न लागिएको यस प्रतियोगितामा सहभागिताको लागि सम्पुर्ण नेपालि समुदायमा आयोजकले अनुरोध गरेको छ।