विश्वव्यापी खुल्ला कविता प्रतियोगितामा कवि तिर्थराज विश्वकर्मा प्रथम
नेपाल आदिवासी जनजाति महासंघ कोरियाले आयोजना गरेको विश्वव्यापी खुल्ला कविता प्रतियोगिताको नतिजा सार्वजनिक गरिएको छ। मे १८ तारिख आइतवार साँझ जुम भर्जुअल कार्यक्रम मार्फत नतिजा सार्वजनिक गरिएको थियो। ३ दर्जन बढि प्रतिस्पर्धीलाई पछि पार्दै धरानका कवि तिर्थराज विश्वकर्मा प्रथम भएका छन्। उनको “म त्यहिँ अनुहार हूँ” शिर्षकको कविताले प्रथम स्थान हाँसिल गरेको हो।
यसैगरी दोश्रो हुनेमा रोल्पाका कवि कमल विवश मगरको “वर्ग विज्ञापन र अठोट” रहेको छ भने रोल्पाकै कवि समिप बैरागीको कविता “पूर्व घोषित अभियानाबाट” तेस्रो भएको छ। झापाकी कवि विजयीता भण्डारीको “यलम्बरको अन्तिम शब्द” सिन्धुलीका कवि रुपक ‘जजमराको “डम्फूको आन्दोलन” र धरानका कवि विनेश राई मिन्जाईको “अस्तित्व” शिर्षको कविता सान्त्वना भएका छन्। बुटवलका कवि प्रकाश नेपालीको भुईफूलहरु, स्याङ्जाकी कवि जमुना भट्टराईको “आदिवासी जनजाति ” , काभेपलाञ्चोकका कवि असमान लामाको आदिवासी ” र सोलुखुम्बुका कवि छविन विरही राईको “भूमिपूत्र” उत्कृष्ट १० मा पर्न सफल भएका छन्। उत्कृष्ट १० कवितालाई आदिवासी स्मारिकामा प्रकाशन गरिने आयोजकले जनाएको छ ।
प्रतियोगितामा प्रथम हुनेले ५ लाख वन द्वितिय हुनेले ३ लाख वन र तेस्रो हुनेले २ लाख वन प्राप्त गर्नेछन भने ३ जना सान्त्वना हुनेले १/१ लाख वन प्राप्त गर्नेछन्। पुरस्कार राशी चाँडै प्रदान गरिने अध्यक्ष बिसन राईले अवगत गराएका छन्।
केहि महिना अघिदेखि विश्वभरबाट कविता संकलन गरिएको थियो। प्रतियोगिताको निर्णायक मण्डलमा कवि तथा साहित्यकार राजन मुकारुङ, कवि बिना थिङ र कवि विमला तुम्खेवा रहेका थिए।
