भूकम्प पिडित र विरगन्ज कृषि औजार कारखानाको सहयोगार्थ भष्मे डन प्रदर्शन हुने
भूकम्प पिडित र विरगन्ज कृषि औजार कारखानाको सहयोगार्थ यही नोभेम्बर १२ गते सुवन शहरमा नेपाली चल्चित्र भष्मे डन प्रदर्शन हुने भएको छ ।
जाजरकोट – रुकुम भूकम्प पिडित र (महाविर पुन)राष्ट्रिय अविष्कार केन्द्रद्धारा हाल मर्मत गरिरहेको बाँकेको विरगन्ज कृषि औजार कारखानाको सुधार सहयोगार्थ “पशुपति प्रसाद-२ भष्मे डन” को च्यारिटी शो हुन लागेको हो ।
नमस्ते(फ्याफूल्ला)नमस्ते-KOREA को प्रस्तुतिमा दक्षिण कोरियाको प्रसिद्ध शहर “सुवन”अवस्थित “नामुनछम”को ठुलो मुभि मेघा थेर्टर “MEGA BOX” मा हुने छ । उपस्थित भएर यस विशुद्ध समाजिक अभियानमा हातेमालो गरि सहयोग गरिदिनु हुन सम्पुर्ण कोरियाबासी नेपालीलाई आयोजकले आह्वान गरेको छ ।
‘पशुपतिप्रसाद’को स्पिन–अफको रुपमा निर्माण रहेको यो फिल्ममा विपिन कार्की भष्मे डनको भूमिकामा छन् । सौगात मल्ल, रविन्द्रसिंह बानियाँ, माओत्से गुरुङ, प्रकाश घिमिरे, लोकेन्द्र लेखक, मिश्री थापा, सजन थापा, विभु पौडेल, प्रकाश दाहालको पनि अभिनय छ । टुकी आर्ट्सको ब्यानरमा निर्माण भएको फिल्म कात्तिक ४ गते देखी नेपालमा रिलिज भएको हो ।
कोरियामा भने कोरियामा ‘नमस्ते(फ्याफुल्ला)नेपाल कोरिया डिजिटल प्रा.लि.’ ले भित्र्याएको हो । यो फिल्म नोभेम्बर ५ मा सौल र बुसानमा एकैसाथ सफल प्रदर्शन भएको थियो ।
थप जानकारी
मितिः२०२३/११/१२ तारिक(आईतबार)
समयःदिऊसो २:००बजे
स्थानः경기도 수원시 팔달구 행궁로 71,메가박스 수원 남문점(MEGA BOX)
