कोरियमा कोभिड-१९ परीक्षणको शुल्क लाग्ने
दक्षिण कोरियामा नि:शुल्क कोभिड-१९ परीक्षण समाप्त भएको छ । कोभिड-१९ लाई पनि मौसमी फ्लूको रूपमा वर्गीकरण गर्दै बिहिबार बाट सर्वसाधारणका लागि शुल्क लाग्ने स्वास्थ्य अधिकारीले जनाएको हो ।
स्वास्थ्य अधिकारीका अनुसार कोरोनाभाइरस परीक्षणहरू अझै उपलब्ध हुनेछन्, तर अब सबैका लागि निःशुल्क हुने छैन ।
कोरिया रोग नियन्त्रण तथा रोकथाम एजेन्सीले कोभिड-१९ लाई क्लास २ बाट क्लास ४ घोषणा गरेको छ । यस संगै करिव ३ बर्ष सम्मा कोभिड-१९ लाई महमारीको रुपमा लिएर सबैलाई निःशुल्क परीक्षण र चिकित्सा सुविधामा दिदै आएको छुटमाको अन्त्य भएको छ । यद्यपि स्वास्थ्य जटिलताहरूको उच्च जोखिममा रहेका व्यक्तिहरूलाई केही छुट हुने जनाएको छ ।
यस अगि स्थानीय क्लिनिकहरूमा लक्षण भएका व्यक्तिहरुले निशुल्क र्यापिड एन्टीजेन टेस्ट(RAT) गर्न पाएको थियो । चिकित्सा परीक्षण शुल्क भने जम्मा 4,000 वोन देखि 6,000 वोन ($ 3-4.5) सम्म मात्र तिर्नु पर्थ्यो । तर बिहीवार देखि RAT को मात्रै प्रति परीक्षण २०,००० वोन देखि ५०,००० वोन सम्म तिर्नु पर्ने भएको छ ।
स्वास्थ्य जटिलताहरूको उच्च जोखिममा रहेका व्यक्तिहरू, जस्तै 60 वर्ष वा माथिका व्यक्तिहरू, आन्तरिक बिरामीहरू, आपतकालीन र गहन हेरचाहका बिरामीहरू तथा स्वास्थ्य बीमा द्वारा कभर गरिएको ओरल COVID-19 उपचार लिन सिफारिस गरिएका व्यक्तिहरू RAT को लागि 50 प्रतिशत अनुदानको योग्य हुने जनाएको छ ।
यी अद्यावधिक गरिएका दिशानिर्देशहरू पोलिमरेज चेन रियाक्सन (PCR) परीक्षणमा पनि लागू हुनेछ । सरकारले हालसम्म पोजेटिभ परीक्षण गर्नेहरूको लागि पीसीआर परीक्षण खर्चको एक भाग कभर गर्दै आएको थियो ।
बिहीबारदेखि, यसले आंशिक रूपमा PCR परीक्षण शुल्कहरू कभर गर्नेछ जसलाई ओरल COVID-19 उपचार लिन सिफारिस गरिएको छ । यस श्रेणीमा नपरेकाहरूले ६०,००० देखि ८०,००० वोन सम्मको पीसीआर परीक्षणको सम्पूर्ण खर्च चिकित्सा संस्थाहरूमा तिर्नु पर्ने हुन्छ।
कोभिड १९ बारेको यो नयाँ नियम संगै कोभिड -१९ फेरी फैलिन सक्ने चिन्ता पनि सुरु भएको छ । आलोचकहरू चिन्तित छन् कि यो नयाँ दिशानिर्देशले मानिसहरूलाई परीक्षण गर्न निरुत्साहित गरेर जनस्वास्थ्यमा प्रतिकूल असर पार्नेछ।
कोरिया हेरल्डका अनुसार कोरिया मेडिकल क्लिनिक एसोसिएसनले एक विज्ञप्ति नै जारी गरेर चिन्ता व्यक्त गरेको जनाएको छ । “उच्च परीक्षण शुल्कका कारण, त्यहाँ आयोजित COVID-19 परीक्षणहरूको संख्यामा तीव्र गिरावट आउनेछ, जसले दसौं हजार व्यक्तिहरूलाई अनजानमा भाइरस बोक्न सक्छ, जसले भित्र भित्रै रोग फैलन मद्दत गर्दछ।” विज्ञप्तिमा उल्लेख गरेको जनाएको छ ।
यसैबीच, अगस्ट २०-२६ को हप्तामा नयाँ कोभिड-१९ संक्रमणको दैनिक औसत ३७,७५८ रहेको छ, जुन अघिल्लो साताको ४१,६९८ भन्दा ९.४ प्रतिशतले घटेको छ।
