कोरियन श्रम मन्त्रालयद्वारा एमटियु दर्ता गर्न अस्विकार

लिलु डुम्रे

सोल-दक्षिण कोरियामा रहेका प्रवासी कामदारहरुको संगठन प्रवासी मजदूर युनियन (एमटियु) दर्ता गर्न कोरियन श्रम मन्त्रालयले अस्विकार गरेको छ | मन्त्रालयको नाममा सर्बोच्च अदालतले दिएको प्रवाशी मजदुर युनिएनको दर्ता आदेशलाई मन्त्रालयले पुन अस्विकार गरिदिएको हो ।

मन्त्रालयले “हाल लागु भैरहेको प्रवासी मजदुर नीतिमा सुधार गर्दै कार्य भिसा प्रणाली ( work permit system) लागु गराउन साथै मजदुर अधिकार सुनिस्चित गर्न एमटियुले संघर्ष गर्नेछ “ भनि राखिएको प्रस्तावना बुदाँमा गम्भीर असहमति जनाउदै युनिएनको दर्ता रोकिदिएको हो ।

दक्षिण कोरियाको सर्बोच्च अदालतले प्रवाशी मजद’र य’नियनलाई कान’नी मान्यता दिन श्रम मन्त्रालयको नाममा जुन २५ मा आदेश दिएको थियो । २००७ देखि विचाराधीन रहेको मुद्दामाथि स’न’वाई गर्दै आठ बर्ष पछि सर्वोच्चले प्रवाशी मजद’र य’नियनका पक्षमा फैसला गरिदिएको थियो । सोहि फैसला अनुसार जुलाई महिनाको २ मा आफ्नो बिधान लगाएत आवास्यक कागज पत्रहरु सोल श्रम विभागमा बुझाएको थियो ।

तर श्रम मन्त्रालयले बिधानमा संसोधन गर्न पत्र पठाएको थियो । प्रवाशी मजदुर युनिएन र श्रम मन्त्रालयको बिचमा भएको वार्ता अनुसार युनियनले बिधान संसोधन गर्ने सहमति जुलाई १४ मा गरियो । संसोधन गरिएको बिधान सहित बुझाइएको कागजात उपर तिन दिन भित्रमा दर्ता प्रमाणपत्र दिनुपर्ने प्रावधान छ । तर मन्त्रालयले प्रस्तावनामा राखिएको “हाल लागु भैरहेको प्रवासी मजदुर नीतिमा सुधार गर्दै कार्य भिसा प्रणाली ( work permit system ) लागु गराउन साथै मजदुर अधिकार सुनिस्चित गर्न एमटियुले संघर्ष गर्नेछ “ लाइ संसोधन गरि ल्याउन युनियनलाई पुन आग्रह गर्यो । प्रवाशी मजदुर युनियन उक्त माग प्रस्तावनाबाट हटाउने पक्षमा देखिएको छैन ।

युनियनले श्रम मन्त्रालयको ब्यबहार पूर्णरुपमा सर्बोच्च अदालतको फैसला , कोरियन संबिधान ,अन्तरास्ट्रिय मजदुर संगठनको सिद्दान्त र युएनको प्रवासी मजदुर सम्बन्धी दस्ताबेज बिरुद्द भएको भन्दै आपति जनाएको छ । कोरियामा प्रवासी मजदुरहरुले भोगी रहेको कम्पनी परिबर्तनका लागि सास्ती ,कम ज्यालामा लामो समय काम गर्नुपर्ने ,कार्यअवधि निश्चित बर्ष हुने ,कृषि क्षेत्रका मजदुरमा भएको भेदभाब र प्रवासी मजदुरहरुले गर्ने आत्माहत्या जस्ता समस्याको पूर्ण रुपमा समाधान गर्न कार्य भिषा प्रणाली एक मात्रै बिकल्प हुनसक्ने युनियनको ठहर छ ।

प्रवाशी मजदुर युनियनका अध्यक्ष उदय राइले भने मजदुरका विपक्षमा हुने गरि मन्त्रालयले भने अनुसार संसोधन गर्न सकिदैन । एमटियुले मन्त्रालयलाई दबाबका लागि धर्ना लगायतका बिरोधका कार्यक्रम राखेको छ ।