मुन्माक एफसीले रच्यो इतिहास, विजेता बन्दै पायो १३ लाख कोरियन वोन

कोरिया स्थित छुङ्छङ्बुक्दोमा लोटस फूटबल क्लबद्वारा आयोजित  “6A साईड फूटसल प्रतियोगिता २०२३” को उपाधी मुन्माक फूटबल क्लबले आफ्नो पोल्टामा पारेको छ । छुङ्छङ्बुक्दो स्थित खेलमैदानमा गत आईतबार १८ तारिक सम्पन्न उक्त प्रतियोगिताको फाईनलमा हिमालयन फूटबल क्लब मुगुक “B” लाई पाखा लगाउँदै मुन्माक एफसी विजेता बनेको हो ।

सो प्रतियोगिताको फाईनलमा १ को विरुद्ध ३ गोलले विजयी बनेको मुन्माक फूटबल क्लबले नगद १३ लाख कोरियन वोन पुरस्कार प्राप्त गर्यो भने उपविजेता हिमालयन फूटबल क्लबले ७ लाख कोरियन वोन सहित पुरस्कृत भए ।

१३ टिमको सहभागिता रहेको सो प्रतियोगिता सफल बनाउन सहभागी टिम/खेलाडी साथै आर्थिक, भौतिक र नैतिक सहयोग गर्ने सम्पूर्ण महानुभावहरुमा आयोजक लोटस फूटबल क्लबले हार्दिक धन्यवाद व्यक्त गरेको छ ।