घेदुङ कोरियाको अधिवेशन सम्पन्न : अध्यक्षमा राजकुमार स्याङतान

नेपाल तामाङ घेदुङ दक्षिण कोरियाको ११ औं अधिवेशन सम्पन्न भएको छ । आइतबार भएको अधिवेशनबाट राजकुमार स्याङतानको अध्यक्षतामा नयाँ कार्यसमिति गठन भएको छ ।
कार्यसमितिमा बरिष्ठ उपाध्यक्ष राम बहादुर तामाङ, उपाध्यक्ष बुद्धि बहादुर तामाङ, प्रिती लामा, शुभराज भोम्जन र गणेश तामाङ रहेका छन् । महासचिवमा दावा फिन्जो तामाङ, सचिव निर योन्जन, लिला बहादुर तामाङ र सुरेश थोकर निर्वाचित भएका छन् । कोषाध्यक्ष पासाङ बोम्जन (प्रयत्न) र सदस्यमा केशवमान तामाङ चुनिएका छन् ।
अधिवेशनमा कोरियामा रहेका विभिन्न जातीय र क्षेत्रीय संघसंस्थाका प्रतिनिधिहरुको सहभागिता रहेका थियो । गैर आवासीय नेपाली संघ दक्षिण कोरियाका अध्यक्ष दीपक पुनले विभिन्न जातजाती एउटै बगैचाको फूल भए पनि शासन सक्ताले मलजल गर्नुको सट्टा हाँगा, जरा काटेको फूल भएको बताए । फल्न र फूल्नका लागि उचित वातावरण हुनु पर्नेमा फूल्ला कि भनेर जरा नै काट्ने गरेको हो । हामी नत्र समान रुपमा फल्ने फुल्ने र नेपाललाई सुन्दर बनाउने गर्न सक्थ्यौं । उनले भने । त्यस्तै कार्यक्रमलाई सम्बोधन गर्दै नेपाल आदिवासी जनजाति महासंघ दक्षिण कोरियाका कार्यवाहक अध्यक्ष विशन राईले नेपालको आदिवासी जनजाति जहिल्यै हेपिएको अवस्था रहेको बताए ।
कार्यक्रमलाई जुम मार्फत घेदुङ संघीय सहअध्यक्ष कुमार घिसिङ, तमूँ धिं दक्षिण कोरियाका अध्यक्ष लेशन गुरुङ, बाग्मती प्रदेश एकता समाजका अध्यक्ष विपी पौड्याल, गण्डकी प्रदेश समाजका अध्यक्ष प्रविण गिरी, सोलुखुम्बु समाजका अध्यक्ष राजु राई, जनसम्पर्क समितिका सभापति भजिन्द्र क्षेत्री, काभ्रेसम्पर्क समितिका अध्यक्ष प्रकाश योञ्जन, नेपाल तामाङ घेदुङका सल्लाहकार दावा तामाङ, मेघ वाईवा, घेदुङका संरक्षक सोम तामाङ, आदिवासी जनजाति पत्रकार महासंघ फोनिजका अध्यक्ष गोकुल थोकर, घेदुङ जेजु शाखाकी अध्यक्ष सुनिता ब्लोन, घेदुङ ख्याङसान बुसानका प्रतिनिधिहरुले सम्बोधन गरेका थिए ।