ब्लकबस्टर हिट चलचित्र जारी (मुगुक शो) मे ०७ मा हुने
![](https://www.fonijkorea.net/wp-content/uploads/2023/04/inbound6352429092210996081-319x450.jpg)
पछिल्लो समय ब्लकबस्टर हिट नेपाली कथानक चलचित्र “जारी” यही आउँदो मे ०७ तारिक हिमालयन एफसी दक्षिण कोरियाको आयोजनामा खोगेक छिवन सेन्थ (고객 지원 센터) मा प्रदर्शन हुने भएको छ । नेपाली चलचित्र उद्योगको प्रोत्साहन र कलाकारिता क्षेत्रलाई सम्मान गर्दै चलचित्र प्रदर्शनको तयारीमा जुटेको आयोजकले बताएको छ ।
“कबड्डी ४” मा पर्दा सेयर गरेपछि नायक दयाहाङ राई र नायिका मिरुना मगरको जोडी फिल्म क्षेत्रमा जम्दै गईरहेको र यी दुई जोडीलाई खुबै रुचाईएको छ । चलचित्र “जारी” रामबाबु गुरुङको निर्माण, उपेन्द्र सुब्बाको लेखन र निर्देशन रहेको वैशाख १ गतेबाट रिलिज भएको सो चलचित्रले बक्स अफिसमा ब्लकबस्टर व्यापार गरिरहेको छ ।
चलचित्र गाउँको मौलिक परिवेश, लिम्बु समुदायको संस्कृति र दया- मिरुना प्रेमकथाको वरिपरी नै घुमेको छ । चलचित्र हेरेपछि अधिकांश दर्शकले दया र मिरुनाको जोडीको प्रशंसा गरेका छन् । फिल्मभित्र दया र मिरुनाले नबोली नबोली व्यक्त गरेको प्रेमको भावहरुले दर्शकको मन छोएको छ ।
चलचित्र प्रदर्शन सम्पूर्ण जानकारी सार्वजनिक गर्दै चलचित्र हेरेर भरपूर मनोरञ्जन लिनुहुन कोरियास्थित सम्पूर्ण नेपाली दाजुभाई तथा दिदीबहिनीहरुमा आयोजक हिमालयन एफसी दक्षिण कोरियाले हार्दिक अनुरोध गरेको छ ।
चलचित्र प्रदर्शन विवरण
मिति : २०२३ मे ०७ तारिक आइतबार
ठेगाना : 충북 음성군 금왕읍 금석로 75 번길 5 고객 지원 센터 1 층
स्थान : 고객 지원 센터
समय : दिउँसो १२:०० बजे