नेफिन कोरियाकी पूर्व वरिष्ठ उपाध्यक्ष मल्लिका थकालीको निधन
नेपाल आदिवासी जनजाती महासंघ दक्षिण कोरियाकी पूर्व वरिष्ठ उपाध्यक्ष मल्लिका थकालीको निधन भएको छ । सउल स्थित नेशनल अस्पतालमा उपचारको क्रममा शुक्रवार थकालीको निधन भएको परिवारले जानकारी दिएको हो ।
ब्लड प्रेसर र सुगरबाट पिडित थकाली गत मार्च १४ तारिखबाट विरामी भै अस्पातल भर्ना भएको थियो । मृतक थकालीको शव अस्पतालमा राखिएको छ । श्रद्धाञ्जलीका लागि अस्पातलमै मार्च १६ तारिख विहान १० बजेसम्म राखिने जनाएको छ । पर्थिव शरीरलार्इ भने नेपाल लगेर अन्त्येष्टि गरिने जनाएकाे छ ।
नेपाल आदिवासी जनजाती महासंघ दक्षिण कोरियाकाे कार्यवाहक अध्यक्षा समेत सम्हाली सकेका स्वर्गीय थकाली वमन फर वमन दक्षिण कोरियाकाे पूर्व अध्यक्ष समेत हुन । त्यस्तै नेपाल बौद्ध परिवार लगायत दक्षिण कोरियामा रहेका दर्जनौ सामाजिक संस्थाहरुमा आबद्ध भएर सकृय भूमिका निभएका थिए ।
