स्याङ्जा परिवार दक्षिण कोरियाको बाह्रौं केन्द्रीय अधिवेशनबाट भक्त थापाकाे नेतृत्वमा कार्यसमिति चयन

कोरियास्थित अति क्रियाशिल क्षेत्रीय संस्था स्याङ्जा परिवार दक्षिण कोरियाको बाह्रौं केन्द्रीय अधिवेशन सम्पन्न भएको छ । सउलको जोंगाक स्थित हलमा आइतबार सम्पन्न सो अधिवेशनबाट भक्त थापा अध्यक्ष रहने गरी नयाँ कार्यसमिति गठन भएको हो ।

संस्थाका केन्द्रीय अध्यक्ष विजय थापाको सभाध्यक्ष र नेपाली सम्पर्क समिति (NCC) का अध्यक्ष श्री प्रसाद श्रेष्ठको प्रमुख आतिथ्यता, विशेष अतिथिहरुमा गैर आवासीय नेपाली संघ राष्ट्रिय समन्वय परिषद् दक्षिण कोरियाका केन्द्रीय अध्यक्ष दीपक पुन, स्याङ्जा सहयोग समाज अन्तर्राष्ट्रिय समन्वय समिति (ICC) का अध्यक्ष टुकराज अर्याल (सामाजिक सञ्जाल मार्फत पदीय मर्यादा), केन्द्रीय सल्लाहकारद्धय नरेन्द्र गुरुङ र कुमार थापा, गण्डकी प्रदेश समाज दक्षिण कोरियाका अध्यक्ष प्रविण गिरी, अतिथिहरुमा नेपाल वाणिज्य संघ केन्द्रीय सदस्य विक्रान्त श्रेष्ठ, केन्द्रीय सल्लाहकारहरु, किम्हे/बुसान शाखाका निवर्तमान अध्यक्ष कमल अर्याल र सोही शाखाका उपाध्यक्ष गोकुल पौडेल, थेगु शाखाका अध्यक्ष मित्र मगर एवं सोही शाखाका उपाध्यक्ष प्रदिप रेग्मी, केन्द्रीय विभागीय प्रमुखहरु, विभिन्न संघ संस्थाका अध्यक्ष एवं प्रतिनिधिहरु, केन्द्र/शाखा संस्थाका अग्रज व्यक्तित्वहरुको उल्लेख्य उपस्थिति रहेकाे थियो ।

संस्थाका उपाध्यक्ष भक्त थापाको स्वागत मन्तव्यसँगै शुरु भएको उद्घाटन सत्रको कार्यक्रममा संस्थाको प्रगति विवरण सहित एघारौं कार्यसमितिको सम्पूर्ण गतिविधिहरु बूँदागत रुपमा केन्द्रीय सहसचिव सुशिल अर्यालले प्रस्तुत गरेका थिए भने सहकोषाध्यक्ष कमल रेग्मी “धनु”ले आर्थिक प्रतिवेदन पेश गरेका थिए । कार्यक्रमका प्रमुख अतिथि श्री प्रसाद श्रेष्ठले स्याङ्जा परिवारको हरेक कार्य र क्रियाशिलताको प्रशंसा गर्दै कोरियामा अभिभावकत्व प्रदान गरिरहेको पुरानो छाता संस्था नेपाली सम्पर्क समिति (NCC) सँगको सहकार्य र समन्वय हमेशा रहनुपर्ने अपेक्षा सहित अन्य आमन्त्रित उपस्थित अतिथिहरुले परदेशी भूमिमा अपनत्व महसूस हुने गरि स्याङ्जा परिवारले विविध सामाजिक कार्य गर्दै आईरहेको सन्दर्भमा खुशी व्यक्त गर्दै विभिन्न कालखण्डमा भएको हरेक गतिविधिको खुलेर प्रशंसा अधिवेशन सफलताको शुभकामना सहित अधिवेशन सफलताको शुभकामना व्यक्त गरेका थिए ।

दोश्रो चरणको बन्द सत्र अन्तर्गत कुमार थापाकाे संयोजकत्वमा नरेन्द्र गुरुङ, युवराज गुरुङ, भावना गुरुङ, पूर्ण गुरुङ, मित्रबन्धु काफ्ले, डा. ज्ञानराज कोईराला, कमल अर्याल र विष्णु वाग्ले लगायतको निर्वाचन मण्डलले २१ सदस्यीय (एक सदस्य पदपूर्ति गर्न बाँकी) कार्यसमिति गठन गरेको छ । जस अन्तर्गत अध्यक्षमा भक्त थापा, वरिष्ठ उपाध्यक्ष सुशिल गुरुङ, उपाध्यक्ष माधव अर्याल, कमल रेग्मी “धनु”, महिला उपाध्यक्ष मञ्जु गुरुङ (रेश्मा), सचिव टोजिन्द्र गुरुङ, सहसचिव रामप्रसाद पंगेनी, कोषाध्यक्ष अर्जुन अर्याल, सहकोषाध्यक्ष सीता मोची र सदस्यहरुमा कृष्ण गुरुङ, शालिग्राम अर्याल, खिम सिङ्जाली मगर, लालु सिङ्जाली मगर, नारायण न्यौपाने, दुर्गा भण्डारी, गुरुदत्त डुम्रे, चेत बहादुर गाहा मगर, रबिन पंगेनी, अनिल अधिकारी (राजु) र टोप बहादुर थापा मगर आदि रहेका छन् ।

उद्घाटन सत्रमा संस्थाका केन्द्रीय सचिव माधव अर्याल र बन्द सत्रमा निर्वाचन मण्डल संयोजक कुमार थापाले कार्यक्रम सञ्चालन गरेका थिए । सोही अवसर पारेर संस्थाले स्थापनाको २५औं वर्ष पूरा गरेको उपलक्ष्यमा सम्पन्न रजत जयन्ती समारोहलाई सहयाेग गर्नुहुने बाँकी व्यक्तित्वहरुलाई सम्मान कार्यक्रम समेत जोडिएको थियो । अधिवेशन सफलताको शुभकामना सहित अमूल्य समय प्रदान गरेर बाह्रौं अधिवेशन सफल पार्नको निमित्त उपस्थित जनाउनुहुने आमन्त्रित अतिथिहरु, संस्था सम्बद्ध समस्त अग्रज व्यक्तित्व, सदस्य र शुभचिन्तकहरुमा स्याङ्जा परिवार केन्द्रीय कार्य समितिले हार्दिक धन्यवाद र आभार व्यक्त गरेको छ ।