स्याङ्जा परिवार दक्षिण कोरिया बुसान/किम्हे शाखाको चौथो अधिवेशन जनवरी १५ मा हुने
“स्याङ्जाली एकता उपकारी मन, सद्भावसँगै बिताऔं परदेशी जीवन” भन्ने मूल नारालाई अनुशरण गर्दै गौरवमय क्षेत्रीय संस्था स्याङ्जा परिवार दक्षिण कोरिया बुसान/किम्हे शाखाको चौथो अधिवेशन यही आउँदो जनवरी १५ तारिक किम्हे स्थित कोरिया माइग्रेन्ट हाउसमा हुने भएको छ ।
तेश्रो कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई ध्यानमा राख्दै सो अधिवेशन गर्न लागिएको सो संस्थाका अध्यक्ष कमल अर्यालले जानकारी दिए ।
स्याङ्जा जिल्लाबाट विभिन्न पेशा, व्यवसाय तथा रोजगारीको शिलशिलामा कोरियामा रहेका स्याङ्जालीहरुलाई आबद्ध गराउँदै विभिन्न परोपकारी र सामाजिक क्रियाकलापमा सक्रिय रहँदै आएको सन् १९९७ मा स्थापित स्याङ्जा परिवारको पहिलो शाखाको रुपमा विस्तार भएको यस शाखा संस्था सन् २०१६ मा स्थापित भएको हो ।
उक्त चौथो अधिवेशनलाई सभ्य र भब्य रुपमा सफल बनाउन संस्था सम्बद्ध सल्लाहकार, बुद्विजीवी, शुभचिन्तक, समस्त सदस्यहरुलाई स्याङ्जा परिवार बुसान/किम्हे शाखाले गरिमामय उपस्थितिको लागि हार्दिक अनुरोध गरेको छ ।
तपसिल :
मिति : २०२३ जनवरी १५, आइतबार
समय : दिनको ठिक १२:०० बजे
स्थान : कोरिया माइग्रेन्ट हाउस, किम्हे
